X

Kaosi në Kakavijë, PD “shuplakë” Ramës: Situata nuk zgjidhet me propagandë në rrjetet sociale, ke braktisur qytetarët


Partia Demokratike fajëson kryeministrin Edi Rama për situatën e krijuar në pikën doganore të Kakavijës.

Demokratët theksojnë se është e pafalshme që qeveria lejoi krijimin e radhëve të gjata, dhe nuk informoi qytetarët në kohë. Sa i përket, 10-vjeçarit që u aksidentua për vdekje në Kakavijë, PD thekson se ngjarja e rëndë tregon se Rama i ka braktisur qytetarët.

DEKLARATA:

Mendimet dhe lutjet tona janë sot me prindërit dhe familjarët e fëmijës që humbi sot jetën në aksidentin tragjik, në mesin e krizës humanitare të krijuar prej 4 ditësh në pikën kufitare të Kakavijës.

Zoti ju dhëntë forcë për ta përballuar dhimbjen dhe këtë humbje të rëndë. Kjo ngjarje e rëndë është një tjetër alarm tragjik për braktisjen e qytetarëve nga qeveria. Është e pafalshme që qeveria lejoi krijimin e radhëve të gjata, dhe nuk informoi qytetarët në kohë.

Është në përgjegjësinë e qeverisë që Shqipëria u shndërrua në zonë të kuqe COVID, pasojë e të cilës është edhe kjo krizë humanitare në kufi.

Kjo krizë nuk zgjidhet me propagandë në rrjetet sociale. Nuk zgjidhet me postime virtuale nga rezidencat luksoze qeveritare ku pushon kryeministri, dhe as me xhiro me helikopter dhe rikthim në hotele me 5 yje ku pushojnë anëtarët e kabinetit të tij qeveritar.

Zgjidhja e krizës humanitare kërkon angazhimin në nivelet më të larta të qeverisë dhe komunikim të vazhdueshëm me qytetarët shqiptarë. Njerëzit meritojnë të trajtohen me dinjitet nga shteti i tyre.

* Për më shume bashkohuni në grupin tonë: https://www.facebook.com/groups/tpz.al/
More in AKTUALITET, FLASH, LAJME
Rama mesazh nga Dhërmiu për emigrantët e Kakavijës: Nuk ju kemi lënë vetëm!

Nga vila qeveritare në Dhërmi, kryeministri Rama ka gjetur kohën pas katër ditësh të ulet e të shkruajë një mesazh...

Close