X

Ralf Gjoni shërohet nga koronavirusi: Çfarë kuptova gjatë këtyre ditëve

Deputeti i Opozitës në Parlament, Ralf Gjoni, është shëruar nga koronavirusi. Lajmin e ka bërë me dije vetë Gjoni me anë të një postimi në rrjette sociale.

Deputeti shprehet se testi e ka nxjerrë negativ, dy javë pasi u konfirmua i infektuar. Gjoni shkruan mes të tjerash se gjatë këtyre ditëve kuptoi se 80% të njerëzve, frika nga ky virus është amplifikuar falë një vale histerie e lajmesh të rreme që qarkullojnë lart e poshtë.

“Ndaj larg panikut, larg lajmeve të rreme, POR ama kujdes maksimal brenda kufijve të llogjikës së shëndoshë njerëzore.
Të rinjtë në veçanti po vazhdojnë të tregohen të pakujdesshëm dhe po refuzojnë të kuptojnë se Covid 19 do disa ditë që të inkubohet në trup përpara se t’ia transmetojnë atë të moshuarve që kanë në shtëpi”, shprehet Gjoni.

Postimi nga Ralf Gjoni:

Përshëndetje miq 🤗
Mbrëmë më kanë konfirmuar rezultatin negativ të testit pas dy javësh me Covid 19.
Ndjehem shumë mirë dhe gati për rikthim në normalitet.
Falenderoj Zotin për bekimet e Tij të panumërta si dhe mjekët, farmacisten time, miqtë e fqinjët që më mbështetën gjatë kësaj periudhe izolimi. 🙏
Kam kuptuar gjatë këtyre ditëve se për rreth
80% të njerëzve, frika nga ky virus është amplifikuar falë një vale histerie e lajmesh të rreme që qarkullojnë lart e poshtë.
Ndaj larg panikut, larg lajmeve të rreme, POR ama kujdes maksimal brenda kufijve të llogjikës së shëndoshë njerëzore.
Të rinjtë në veçanti po vazhdojnë të tregohen të pakujdesshëm dhe po refuzojnë të kuptojnë se Covid 19 do disa ditë që të inkubohet në trup përpara se t’ia transmetojnë atë të moshuarve që kanë në shtëpi.
Edhe pse shumica me shumë gjasa do e kalojnë lehtë, 20% e njerëzve do rrezikojnë jetën ose do përfundojnë me komplikacione.
Dhe në kushtet e një vendi si Shqipëria me sistem shëndetësor modest, kujdesi ynë ndaj të tjerëve do ishte një ndihmë e madhe për ekipet mjekësore te tejngarkuara prej rasteve të rënduara nëpër spitale.

Ripërsëris për të gjithë miqtë e mi:

Mos frekuentoni ambjente të mbyllura publike pa maskë. 😷
Lani duart sa më shpesh. 🤚
Evitoni në maksimum kontaktet fizike, veçanërisht me të moshuarit.
Nëse ndjeni shenjën më të vogël si temperaturë e lehtë, dhimbje koke, gricje fyti, ethe, frymëmarrje të vështirësuar, djersitje natën, dhimbje trupi, kollë, bllokim hundësh, humbje e nuhatjes/shijes apo çdo shenjë tjetër gripale, duhet të izoloheni menjëherë e të kërkoni kryerjen e tamponit.

* Për më shume bashkohuni në grupin tonë: https://www.facebook.com/groups/tpz.al/
More in AKTUALITET, LAJME
Rritet numri i të infektuarve me koronavirus për 1000 banorë, kryeqyteti në vend të parë

Ministria e Shëndetësisë deklaron se në javën që lamë pas është rritur numri i të sëmurëve me koronavirus, për shkak...

Close