X

Koronavirusi hyn në Komisariatin e Policisë Kuçovë, infektohet Shefi i Rendit, frikë te efektivët


Covid-19 është futur edhe në Komisariatin e Policisë së qytetit të Kuçovës. Shefi i Rendit në këtë komisariat ka rezultuar “pozitivë” me koronavirus.

Kjo ka shtuar frikën dhe panikun mes efektivëve të këtij komisariati, që janë në pritje të kryerjes së tamponit, ndërkohë që mësohet se gjendja shëndetësore e efektivit të infektuar është e mirë.

Burimet zyrtare të bashkisë së Kuçovë bëjnë me dije se, mëngjesin e sotëm, pas shfaqjes së rastit të parë me koronavirus në Komisariatin e Policisë Kuçovë, është kryer dezinfektimi i plotë i të gjitha ambjenteve të këtij komisariati.

Shefi i Rendit në Komisariatin e Policisë së Kuçovës është një nga 6 rastet e konfirmuara zyrtarisht nga Ministria e Shëndetësisë pasditen e djeshme në qarkun e Beratit, ndërkohë që 5 rastet e tjera (3 në Kuçovë dhe 2 në Berat) janë kontakte të rasteve të mëparshme.

Lajmi i mirë vjen nga Spitali Rajonal Berat dhe Drejtoria Rajonale e Tatim-Taksave, ku pas 48 testimeve të kryera në këtë drejtori dhe mes bluzave të bardha, të gjithë kanë rezultuar “negativë”.

Rastet e konfirmuar dje “pozitive” në qarkun e Beratit e kanë çuar në 45 numrin e rasteve aktive në këtë qark.

Burimet zyrtare pranë DSHP-së Berat konfirmojnë se, gjendja e të infektuarve paraqitet e mirë, përveç rastit të mjekut kirurg E.Q, që ndodhet i shtruar në Spitalin Infektiv në Tiranë, pasi ka paraqitur komplikacione.

/Balkan Web

* Për më shume bashkohuni në grupin tonë: https://www.facebook.com/groups/tpz.al/
More in AKTUALITET, FLASH, LAJME
VIDEO/ Basha në familjen Barruku, që jeton prej muajsh në çadër dhe e skualifikuan nga ndihma

Kryetari i PD, Lulzim Basha, ka vizituar sot familjen Barruku në fshatin Kameras të Manzës, e cila jeton në çadër...

Close