X

Ulet popullsia, Dibra humbet një deputet, si lëviz mandati

Në votimet e pranverës së ardhshme, banorët e qarkut Dibër do të zgjedhin një deputet më pak.

Kjo për shkak se në regjistrat e gjendjes civile është vënë re një rënie e popullatës në këtë qark, dhe rritja ka shkuar në kryeqytet dhe në rrethinat e Tiranës.

Për këtë arsye, në përllogaritjen e re të numrit të deputetëve që do të zgjidhen nga çdo qark, Dibra nuk do të ketë më 6 përfaqësues në parlament, por 5.

Në Dibër, aktualisht PS dhe PD kanë nga dy deputetë, ndërsa LSI dhe PDIU, nga një të zgjedhur.

Mandati që i hiqet qarkut verilindor, do t’i shtohet qarkut Tiranë, duke e bërë atë me 35 ligjvënës.

Sipas të dhënave të siguruara nga abcnews.al në qarqet e tjera nuk ka lëvizje mandatesh, pasi uljet apo rritjet e numrit të popullsisë nuk janë aq të mëdha sa për të ndikuar tek shpërndarja e deputetëve.

Gjithësesi, do të jetë KQZ-ja ajo që do të zyrtarizojë këtë çështje përmes një vendimi të posaçëm.

* Për më shume bashkohuni në grupin tonë: https://www.facebook.com/groups/tpz.al/
More in AKTUALITET, LAJME
“Nuk i ka votat”, Hoti: Qeveria rrëzohet nga brenda e jo nga opozita

Kryeministri i Kosovës, Avdullah Hoti, është shprehur për mediat se Vetëvendosje nuk i ka votat për të rrëzuar qeverinë. Hoti...

Close