X

Vidhnin biçikleta, arrestohen tre ‘skiftera’ në Tiranë, njëri 13 vjeç


Arrestohen tre persona, të dyshuar për një sërë vjedhjesh biçikletash në zona të ndryshme të Tiranës.

Njëri prej tyre vetëm 13 vjeç, e të tjerët 17-18 vjeç, dyshohet se janë autorë të disa vjedhjeve të biçikletave të ndodhura më parë në zonën e 15-katshit , “21 dhjetorit” dhe pranë Zogut të Zi.

“Specialistët për Hetimin e Krīmit në Komisariatin e Policisë Nr. 1, në vijim të punës për parandalimin e vjedhjeve, zbardhjen e atyre të ndodhura më parë, si dhe për kapjen e vënien para drejtësisë të autorëve, bazuar edhe në informacionet e siguruara në rrugë operative për tre shtetas të dyshuar si autorë të vjedhjes së disa biçikletave, kanë organizuar punën dhe falë ndërhyrjes së shpejtë dhe profesionale u bë kapja dhe arrestimi në flagrancë i tre shtetasve:

B. SH., 18 vjeç., K. SH., 17 vjeç ( vëllezër) dhe N. E., 13 vjeç, të tre banues në Kombinat.
Këta shtetas, në bashkëpunim me njëri-tjetrin, kanë vjedhur dy biçikleta, njërën në rrugën “Hoxha Tasim” dhe tjetrën në rrugën “Arkitekt Kasemi”.

Gjithashtu, nga veprimet hetimore të kryera dyshohet se këta shtetas janë autorë dhe të disa vjedhjeve të tjera të biçikletave të ndodhura më parë në zonën e 15-katshit , “21 dhjetorit” dhe pranë Zogut të Zi.

Në cilësinë e provës materiale u sekuestruan dy biçikleta dhe mjetet që përdornin autorët për të kryer vjedhjet”.

Materialet do t’i kalojnë për ndjekje të mëtejshme, Prokurorisë Pranë Gjykatës së Shkallës së Parë Tiranë, për veprën penale “Vjedhja” e kryer në bashkëpunim.

* Për më shume bashkohuni në grupin tonë: https://www.facebook.com/groups/tpz.al/
More in AKTUALITET, LAJME
Liban, burri shpëtohet pas 15 orësh nën rrënojat e shtëpisë së tij të shkatërruar nga shpërthimi

Mijëra njerëz u tronditën dhe u shkatërruan në Bejrut pas shpërthimit masiv në një depo. Deri më tani, së paku...

Close