X

Dyshimet, një toksinë natyrale mund të ketë vrarë qindra elefantë në Afrikë


Në Botswana kanë dalë rezultatet e testeve paraprake të bëra për të zbuluar arsyen pas ngordhjes së më qindra elefantëve.

Duket se shkak për ngordhjen e tyre mund të ketë qenë një toksinë natyrale, i tha një zyrtari i lartë i botës së egër agjencisë së lajmeve Reuters.

Ishte pamundur që një sëmundje infektive të qëndronte pas ngordhjes tronditëse të të paktën 281 elefantëve, shtoi Cyril Taolo, ushtrues i detyrës së drejtorit të Departamentit të botës së egër dhe parqeve kombëtare.

Zyrtarët prej më shumë se dy muajsh kanë tentuar që të gjejnë shkakun pasi kufomat e para në rajonin Okavango Panhandle.

Hetimet fillestare dukej se përjashtonin shkaqet e zakonshme si gjuetia dhe helmimi nga ana e njerëzve.

“Ne kemi marrë rezultate nga vende të tjera, përfshirë Shtetet e Bashkuara, dhe deri më tani rezultatet tregojnë se nuk ka shumë gjasa që shkaku të mund të jetë një patogjen infektiv,” tha Taolo.

“Vëmendja jonë kryesore … tani është në hetimin e faktorëve më të gjerë të mjedisit, siç janë toksinat e prodhuara natyrisht nga bakteret që gjenden në mjedis, siç janë trupat e ujit.”

Qeveria e vendit ka dërguar mostra në laboratorët në Botswana, Afrikën e Jugut, Zimbabve dhe Shtetet e Bashkuara për teste.

Ndërsa javën e kaluar ishin gati rezultatet nga testet e zbulimit bakterial dhe toksikologjisë në Botswana, testet histopatologjike në Afrikën e Jugut dhe testet e zbulimit bakterial dhe histopatologjisë në Zimbabve.

Taolo tha se rezultatet e toksikologjisë priten së shpejti nga Afrika e Jugut.

* Për më shume bashkohuni në grupin tonë: https://www.facebook.com/groups/tpz.al/
More in BOTA, Magazine
Rriten rastet me koronavirus në Spanjë, 1229 të infektuar brenda 24 orëve

Spanja ka regjistruar për sot shifrën më të lartë të rasteve të reja në 24 orë, që kur vendi hoqi...

Close