X

Reali pranë titullit, fiton në Granada me dyshen Mendy-Benzema!

Reali i Madridit vendos njërën dorë te titulli kampion në La Liga. Los Blancos e çuan në nëntë numrin e fitoreve radhazi duke fituar 1-2 edhe në transfertën ndaj Granadas ndeshja më e vështirë që kishin në tri javët e fundit të kampionatit.

Tashmë me një fitore ndaj Villarealit në shtëpi ndeshjen e ardhshme ose dhe me vetëm dy barazime në dy takimet e fundit, skuadra e Zidane mund të shpallet edhe matematikisht kampione e Spanjës. Në transfertën e Los Carmenes, Reali e pa veten shumë shpejtë në avantazh të dyfishtë me golat e Mendy dhe Benzema në harkun e 16 minutave të para.

Më pas ndeshja u dominua e gjitha nga Granada që rihapi sfidën në fillimin e pjesës së dytë me golin e Machis, por vetëm kaq sepse mbrojtja e Los Blancos dhe Courtois me pritjet e tij ruajtën avantazhin 1-2 deri në fund, duke i dhënë tre pikë të arta, Realit të Madridit që u ngjit në kuotën e 83 pikëve.

* Për më shume bashkohuni në grupin tonë: https://www.facebook.com/groups/tpz.al/
More in SPORT
As gafa e Handanovic nuk ndal Interin, zikaltrit mposhtin Torinon dhe ngjiten të dytët

Interi rikthehet te fitorja në Serie A dhe e bën këtë me përmbysje në sfidën që mbylli javën e 32-të...

Close