X

“Një mijë lekë policit për të mos i vënë gjobë”, shoferi në Tiranë e pëson keq, arrestohet

Një shofer në Tiranë i cili drejtonte mjetin pa vendosur rripin e sigurimit, në vend që të merrte gjobë, u arrestua. Veprimi i policisë erdhi pasi shoferi dhe tentoi të korruptonte punonjësin e Policisë Rrugore për të shmangur masën administrative.

Njoftimi i plotë

Efektivet e Komisariatit Rajonal të Policisë Rrugore Tiranë, në vijim të kontrolleve të shtuara për parandalimin e aksidenteve rrugore, në funksion të patrullimeve me përzgjedhje, në zona të ndryshme të qytetit të Tiranës, kanë ndaluar në rrugën “Teodor Keko”, drejtuesin e mjetit shtetasin me iniciale V. M., 28 vjeç, i cili po drejtonte mjetin pa vendosur rripin e sigurimit.

Në momentin që punonjësi i Policisë Rrugore i ka komunikuar arsyen e ndalimit dhe i ka kërkuar dokumentacionin për të plotësuar masën administrative, drejtuesi i mjetit, bashkë me dokumentacionin, i ka ofruar punonjësit të Policisë nje kartemonedhe me prerje nje mijë lekë të reja, me qëllim shmangien e gjobës.

Arrestimi i këtij shtetasi u bë për veprën penale “Korrupsion aktiv ndaj personave qe ushtrojnë funksione publike” dhe materialet proceduriale u referuan pranë Prokurorisë së Posaçme Kundër Korrupsionit dhe Krimit të Organizuar Tiranë, për veprime të mëtejshme.

* Për më shume bashkohuni në grupin tonë: https://www.facebook.com/groups/tpz.al/
More in AKTUALITET, LAJME
Tiranë/ Arrestohen dy shtetas të shpallur në kërkim, ja akuzat ndaj tyre

Arrestohen dy shtetas të shpallur në kërkim nga blutë e Tiranës. Po ashtu arrestohen në flagrancë dhe dy shtetas të...

Close