X

“Ti kryeministër, unë president”, Rama reagon pas deklaratës së Bashës për ofertën: S’jam populli që e vendos këtë!

Pas deklaratave të ashpra të kryetarit të PD-së, Lulzim Basha, vjen një reagim nga kryeministri Edi Rama, përsa i takon debatit për listat e hapura.

Përmes një mesazhi në Twitter, kreu i qeverisë s’i ka kursyer ironitë sa i takon ofertës që lideri i PD-së bëri publike se i kishte bërë Rama me anë të ndërmjetsve të tij: “Ti kryeministër, unë president”.

MESAZHI I RAMES

Listat e hapura do fuskan kriminelët në parlament sipas LB e unë dashkam të bëhem President me LB kryeministër, se paskam frikë nga humbja😂Në fakt jo, unë e di popullin më të mençur se veten prandaj dua të hapen listat,e s’e bëj dot Lulin KM se s’jam Populli që e vendos këtë!

Sa për koalicionin me SHPK e LSI siç e quan LB,as e ndalon hapja e listave që ta bëjë, as e detyroj dot unë që ta zhbëjë! Prandaj Lul merre me qetësi këtë proces ku more gjithë çfarë deshe,e lëri sharjet e kërcënimet,sepse koha e ka treguar që të çojnë vetëm nga humbja në humbje!

DEKLARATA E BASHES

Kryedemokrati në daljen e tij për media tha se Rama i ka futur ndërmjetës dhe kërkonte që Basha të bëhej kryeministër dhe vet të ishte president me kushtin e vetëm që të hiqeshin koalicionet parazgjedhore.

“Për një muaj e gjysmë Rama ka dërguar ndërmjetësit e tij me të njëjtin mesazh, ti kryeministër unë president vetëm të heqim koalicionet. Ramës nuk i bëhet vonë për njerëzit. Rama merakoset vetëm për pushtetin e tij. Ky ka qenë mesazhi i tij: “Heqim koalicionet dhe ti kryeministër e unë president”. Kështu e sheh Rama politikën si një pazar i ndyrë”,- pohoi Basha.

* Për më shume bashkohuni në grupin tonë: https://www.facebook.com/groups/tpz.al/
More in AKTUALITET, LAJME
Gjykata rikthen në xhami muzeun e Shën Sofisë, do të jetë e hapur për vizitorët

Gjykata turke anuloi sot një vendim të 24 nëntorit të vitit 1934, sipas të cilit xhamia e Shën Sofisë shndërrohej...

Close