

Përmes një deklarate nga selia blu, Enkelejd Alibeaj thotë se shqiptarët po e paguajnë shumë shtrenjtë qeverisjen e Edi Ramës, ndërsa sëfundmi thotë ai tani ka ardhur radha të paguajnë edhe për hakmarrjet e tij e personale kundër biznesit.
Sipas Alibeajt, buxhetit të shtetit i është shkaktuar një dëm prej 109 milionë eurosh për shkak të luftës së Ramës me sipërmarrësin Italian Francesco Bechetti.
Alibeaj thotë ndër të tjera se Rama duhet t’i paguajë nga xhepi i tij këto para dhe se Prokuroria duhet ta hetojë për shpërdorim detyre.
DEKLARATA E PLOTË
Në 7 vjet të qeverisjes së Edi Ramës, shqiptarët kanë provuar në lëkurë se ky kryeministër u ka bërë keq. U ka bërë keq duke rritur taksat, duke mbyllur vende pune, duke i zbuar nga vendi dhe, mbi të gjitha, duke i vjedhur.
Shqiptarët i kanë paguar shumë shtrenjtë interesat politikë të Edi Ramës për të qëndruar në pushtet përmes blerjes së zgjedhjeve, kanë paguar shtrenjtë vendimet e tij korruptive për të dhënë me koncesion dhe PPP çdo gjë në Shqipëri, por tani ka ardhur radha të paguajnë edhe për hakmarrjet e tij e personale kundër biznesit.
Lufta e shpallur ndaj sipërmarrësit italian Frnacesco Bechetti për arsyen e vetme se zotëronte një media kritike ndaj qeverisë, ndaj Edi Ramës dhe Erion Veliajt, po u kushton qytetarëve të vendit 109.5 milionë euro.
Si për shumë gjëra të tjera, premtimet e Edi Ramës se nuk do të paguajmë asnjë qindarkë për luftën e tij personale ndaj Bechettit, rezultuan një gënjeshtër e madhe.
Gjykata Ndërkombëtare e Arbitrazhit i dha të drejtë sipërmarrësit dhe i kërkon Shqipërisë të paguajë dëmin.
Ky duhet të ishte momenti që Edi Rama të jepte dorëheqjen, pasi urdhrin për të shkatërruar biznesin e Beketit dhe për të sekuestruar televizionin e ri Agon Channel, e dha Edi Rama.
Tani, shqiptarëve u duhet të paguajnë për luftën personale të kryeministrit me një sipërmarrës të huaj, kritik ndaj keqqeverisjes se tij. Janë plot 109 milionë euro. Janë më shumë para sesa të dyja paketat e ndihmës që qeveria u dha qytetarëve gjatë pandemisë.
Me kaq shumë para, bizneset nuk do të ishin sot duke luftuar për mbijetesë, mijëra vende pune nuk do të ishin mbyllur. 109 milionë euro që Shqipëria po paguan për luftën personale të Edi Ramës kundër një biznesi faktojnë se buxheti kishte para, por taksat nuk iu kthyen shqiptarëve, kur ata kishin më shumë nevojë për ndihmë, por u përdorën për të financuar luftën politike personale të Edi Ramës.
Tani çështja qëndron a duhet të paguajnë shqiptarët për konfliktin personal të Edi Ramës me një biznesmen, për vendimin e tij personal të gabuar për të mbyllur aktivitetin e tij?
Në një shtet normal me një qeveri dhe kryeministër normal, që nuk luan bixhoz me paret e shqiptarëve, ato para duhet t’i paguajë ai që ka shkaktuar dëmin. Duhet t’i paguajë Edi Rama.
Në platformën tonë antimafia kjo është një nga pikat kryesore. Zyrtari përgjegjës për një vendim të gabuar që i shkakton dëm buxhetit, duhet të paguajë me pasuritë e tij. Edi Rama ka me çfarë ta paguajë. Le t’i sekuestrojnë pasuritë e deklaruara dhe të padeklaruara. 10 vjet më parë, një dokument i OSBE-së tregoi se pasuria e kryebashkiakut të kohës, Edi Rama, llogaritej në rreth 200 milionë euro.
Është detyrë e drejtësisë të hetojë dhe të marrë nën përgjegjësi penale kryeministrin e vendit për shpërdorim detyre.
Shqiptarët nuk kanë pse paguajnë nga taksat e tyre 109 milionë euro për luftën personale të Edi Ramës me median e lirë dhe biznesin.
* Për më shume bashkohuni në grupin tonë: https://www.facebook.com/groups/tpz.al/
Të ngjashme
KE: Niveli i borxhit publik 79,9% më i lartë ndër vendet kandidate për tu integruar BE
Mehmetaj në Fier: Të rinjtë shohin zgjidhje vetëm ikjen nga vendi, më 25 prill të çlirojmë Shqipërinë nga kasta në pushtet që po i merr frymën
Të tjera përgjime të mafies italiane që pastron paratë në Tiranë
Paralajmëroi se do të ngrinte padi për shpifje, Grida Duma i përgjigjet Veliajt: Asnjë mjet nuk do më ndalojë mua dhe PD-në të themi të vërtetën!
Konflikt me thika në Vlorë/ Plagoset 42-vjeçari, autori në kërkim. Policia jep detajet e para të ngjarjes
Kryemadhi: Paratë e shqiptarëve shkojnë te duart e pak njerëzve dhe mafia, 92 ditë na ndajnë nga ndryshimi i madh
Meta: U bashkohem lutjeve, që mirësitë e Zotit të bekojnë çdo familje shqiptare
“100 ditët e para të qeverisë së re”, Basha: Fund praktikave të ekonomisë kriminale
Lini nje Koment