X

Lazio dorëzohet për titullin, Lecce e mposht dhe del nga zona e rënies

Ndërkohë që futbollistët e Juventusit luajnë me Milanin, Lazio i dërgon edhe më pranë festës së titullit kampion të 9 radhazi, sepse pësoi humbjen e dytë radhazi me rezultatin 2-1 përballë Lecces.

Vetëm tre ditë pas humbjes në shtëpi me Milanin, kur pritej që Lazio të bënte reagimin dhe të përpiqej të mbante të hapur garën për titull, dështoi sërish, këtë herë në “Via Dell Mare” përballë Lecces, një skuadre që vinte pas 6 humbjesh radhazi në kampionat.

Simone Inzaghi pati mundësi të rikthejë në fushë dyshen Immobile-Caicedo pas pezullimit një javor, ndërsa ishte pikërisht ky i dyti që zhbllokoi sfidën që në minutën e pestë, duke dhënë idenë se Lazion e pret një ndeshje e lehtë.

Megjithatë reagimi i vendasve ishte mjaft i mirë dhe në minutën e 30’ ishte sulmuesi Koumha Babacar që shënoi në portën e Strakoshës, duke rikthyer baraspeshën, ndërsa në minutat shtesë të pjesës së parë Mancosu shpërdoroi një 11-metërsh duke mos arritur t’u japë avantazhin të tijve.

Edhe pjesa e dytë nisi mjaft mirë për Leccen, që gjeti menjëherë golin e avantazhit, pasi Luccioni shënoi me një asist të Saponarës, ndërsa gjithçka për skuadrën e Inzaghit u bë vërtetë e komplikuar.

Deri në fund loja u zhvendos në gjysmëfushën e Lecces, e tërhequr në mbrojtje të rezultatit, ndërsa portieri Gabriel bëri disa herë heroin me pritje spektakolare, ashtu si bëri edhe Strakosha në kundërsulmet e shpejta të vendasve.

Në minutën e 93-të Patric u ndëshkua me karton të kuq dhe la Lazion me 10 futbollistë, ndërsa as 10 minutat shtesë të akorduara nga arbitri Maresca nuk mjaftuan që bardhekaltrit të shmangin humbjen.

Me këtë fitore Lecce parakalon përkohësisht Genoan dhe del nag zona e rënies nga kategoria, ndërsa Lazio mbetet në vendin e dytë me 7 pikë më pak se Juventusi kryesues, distancë që mund të rritet nëse bardhezinjtë marrin pikë në Milan.

* Për më shume bashkohuni në grupin tonë: https://www.facebook.com/groups/tpz.al/
More in SPORT
Fernando Alonso rikthehet në Formulën 1, zyrtarizimi pritet ditët e ardhshme

I larguar që në fund të vitit 2018 për të garuar në IndyCar Series, por ndonëse në moshën 39-vjeçare, Fernando...

Close