X

22-vjeçarja me koronavirus del nga shtëpia dhe shkon te prindërit, procedohet penalisht, Policia: U izolua e gjithë familja


Policia ka procedurat penalisht një shtetase 22-vjeçare nga Lushnja, i cila figuronte në listën e personave të prekur nga COVID-19 dhe për të cilën ishte rekomanduar karantinimi në banesë.

Uniformat blu bëjn të ditur se gjatë kontrollit shtetasja M.H nga Lushnja nuk është gjendur në banesë, ndërkohë që e reja kishte shkuar në fshatin Kashtëbardhë te prindërit.

Policia raporton se pasi ka marrë kontakt me familjarët e 22 vjeçares ka vendosur t’i izolojë të gjithë ata, duke i urdhëruar të mos dalin nga banesa.

Njoftimi i policisë:

Theu karantinën duke dalë nga shtëpia, procedohet penalisht nga Policia e Lushnjës një shtetase, për veprën penale “Moszbatimi i masave të autoriteteve shtetërore gjatë gjendjes së masave të jashtëzakonshme apo gjatë gjendjes së epidemisë”.

Strukturat e Drejtorisë Vendore të Policisë Fier dhe të Komisariateve në varësi të saj kanë vijuar kontrollet e herëpashershme në banesat e të prekurve nga COVID-19, me qëllim kontrollin për respektimin me rigorozitet të vetëkarantinimit, për të bërë të mundur parandalimin e përhapjes së COVID-19.

Mbi bazën e listave të përditësuara që disponon Policia e qarkut Fier, për personat e prekur nga COVID-19 dhe ata që janë kontakte të personave të prekur, janë zhvilluar kontrolle të përditshme tek çdo person, gjatë ditëve të vetëkarantinimit.

Gjatë kontrolleve të ushtruara ditën e djeshme, specialistët për Hetimin e Krimeve në Komisariatin e Policisë Lushnjë proceduan penalisht shtetasen M. H., 22 vjeçe, banuese në Lushnjë, pasi gjatë kontrollit të ushtruar nga Policia nuk u gjend në banesën e saj, por kishte shkuar te prindërit, në fshatin Kashtëbardhë.

Policia mori kontakt me këtë shtetase në banesën e prindërve të saj, në fshatin Kashtëbardhë, ku është bërë edhe evidentimi i personave të tjerë që ndodheshin në këtë banesë, të cilëve u është komunikuar që të mos dalin nga banesa.

Policia e Fierit apelon për të gjithë qytetarët që të respektojnë distancimin social, lokalet dhe bizneset të respektojnë protokollet e sigurisë, të prekurit nga COVID-19 të respektojnë detyrimisht vëtëkarantinimin, duke bërë të mundur që të gjithë bashkë të kontribuojmë në parandalimin e përhapjes së COVID-19.

* Për më shume bashkohuni në grupin tonë: https://www.facebook.com/groups/tpz.al/
More in AKTUALITET, LAJME
Kosovë, shqiptari i vrēt bashkëshortin kushërirës, e lë të plāgosur bashkë me djalin e saj

Mëngjesin e kësaj të marte Gjakova është tronditur nga një ngjarje e rëndë me pasojë vdekjen e një personi. Sipas...

Close