X

Pas Bundesligës edhe Kupa, Bajern tani synon Champions

Bajern Mynih nën drejtimin e Hansi Flik është kthyer përsëri në skuadrën dominuese me diferencë të thellë nga të tjerët në futbollin gjerman. Ekipi bavarez, pasi fitoi me diferencë ndaj ndjekësve një kampionat ku në pjesën e parë të sezonit kishte qenë thuajse gjithmonë në ndjekje, sot bëri të tijin edhe trofeun e dytë kombëtar, Kupën e Gjermanisë.

Në finale ndaj Bajer Leverkusen, pritej që ndeshja të ishte më e luftuar mes dy ekipeve, por diferencat mes tyre ishin të dukshme dhe në fund skuadra e Flik dominoi me shifrat 4-2. Alaba me një goditje dënimi të ekzekutuar me shpejtësi dhe Gnabri me një kundërsulm perfekt shënuan në pjesën e parë të ndeshjes, ndërsa në të dytën Levandovski u tregua i pamëshirshëm me dy gola të tjerë. Goli i Bender për Leverkusen dhe ai i Havertz me penallti në shtesë shërbyen vetëm për statistikë pasi në fund ishte Bajerni që ngriti lart trofeun.

Kësisoj, bavarezët vendosën diktatin në futbollin gjerman dhe tashmë duhet të presin më shumë se një muaj për ndeshjen e radhës, atë që do të luajnë në Ligën e Kampioneve ku tashmë shihen mes pretendentëve për të fituar trofeun. /

* Për më shume bashkohuni në grupin tonë: https://www.facebook.com/groups/tpz.al/
More in SPORT
Arsenali merr fitoren e tretë radhazi dhe rikthehet në garë për Europën

Arsenali i Mikel Artetës ka filluar të funksionojë mirë, pasi sot mori fitoren e tretë radhazi në kampionat, numër ky...

Close