X

Tjetër shifër e lartë/ Kosova konfirmon 114 raste të reja me COVID-19

Në Kosovë u regjistruan të premten 114 raste të reja me koronavirus, bëri të ditur Instituti Kombëtar i Shëndetësisë Publike të Kosovës.

Rastet e reja rezultuan nga 304 mostra të testuara, raporton Rel.

Numri më i madh i tyre, 35, është në Komunën e Ferizajt, pastaj vjen Komuna e Prishtinës me 17 raste, Komuna e Mitrovicës 9 raste, Komuna e Pejës 9 raste, Komuna e Vushtrrisë 9 raste, Komuna e Prizrenit 8 raste, Komuna e Gjakovës 7 raste, Komuna e Rahovecit 5 raste, Komuna e Gjilanit 4 raste, Komuna e Vitisë 3 raste, Komuna e Suharekës 2 raste dhe me nga 1 rast komunat: Hani i Elezit, Kaçanik, Kamenicë, Mamushë, Obiliq dhe Skënderaj.

IKSHPK-ja njoftoi se të premten janë shëruar edhe 117 pacientë, të cilët e çojnë në 1,824 numrin e përgjithshëm të të shëruarve.

Që nga fillimi i pandemisë në mes të marsit, Kosova ka konfirmuar në total 3,178 raste me koronavirus. Prej tyre, 58 pacientë kanë vdekur.

* Për më shume bashkohuni në grupin tonë: https://www.facebook.com/groups/tpz.al/
More in BALLKAN, LAJME
Kreu i PD zbulon pse ambasadorja amerikane e thirri: “Zoti Luli Basha”

Kreu i Partisë Demokratike, Lulzim Basha, ka folur për deklaratën e ambasadores Yuri Kim, e cila para pak ditësh i...

Close