X

Kodheli: Opozita ka penguar integrimin në BE

Deputetja socialiste, Mimi Kodheli, e ftuar në “Ilva Now” në Euronews Albania, ku ka folur për procesin e integrimit, u shpreh se një faktor që ndikoi në shtyrjen e tij, është edhe qëndrimi që ka mbajtur Partia Demokratike në takimet ndërkombëtare ku shpesh ka dalë kundër reformave dhe arritjeve të vendit.

“Gjëja më e mirë është që të jemi të gjithë bashkë kur kemi takime dhe përfaqësojmë vendin tonë jashtë Shqipërisë. Shpesh i kemi habitur përfaqësuesit ndërkombëtarë kur dalim me dy qëndrime jashtë vendit.

Kur flitet për atdheun, flitet për atdheun. Dhe në momente kyçe opozita e ka dëmtuar këtë proces.

Nuk ka mësuar as nga gabimet tona, duhet të bësh diçka të re që të bëhesh i besueshëm.

Procesi ka shumë faktorë me të cilët lidhet. Duke qenë bashkë mund të kishim arritur t’i hapnim negociata.

Ka pasur influenca negative që kanë ndikuar, por për fat të mirë Shqipëria vazhdon të ketë miq të mirë, një ndër të cilët është kancelarja Merkel që besojnë në reformat që kjo qeveri ka bërë”.
Nëse opozita nuk është mjaftueshmërisht e pjekur politikisht ky nuk është faji i opozitës.

Faji i pozitës është që ndoshta duhet ta edukonte më mirë opozitën që të mos shkelte më dërrasë të kalbur, por ka edhe fëmijë kryeneçë në familje dhe duhet të mundohesh që si prind i mirë që t’i mësosh që rruga më mirë është ajo e përballjes jo e largimit”, u shpreh Kodheli.

* Për më shume bashkohuni në grupin tonë: https://www.facebook.com/groups/tpz.al/
More in AKTUALITET, LAJME
Hoti: Kryeministri përfaqëson shtetin në dialog, do të nisem në Uashington

Kryeministri i Kosovës, Avdullah Hoti, tha gjatë një interviste në emisionin “Opinion” se kushtetuta i jep atij të drejtën për...

Close