X

“Pashalimani” do bëhet bazë ushtarake për Turqinë? Ministria e Mbrojtjes: Ka kërkesë për të qenë e NATO-s, ekspertët e Aleancës po e vlerësojnë

Mediat greke shkruan sot se “Pashalimani” mund të bëhet një bazë ushtarake e Turqisë, pasi kryeministri shqiptar Edi Rama i kishte premtuar Erdoganit dicka të tillë.

Mirëpo, burime për “Balkanweb” bëjnë me dije se pas bazës së Kuçovës, edhe Pashalimani po studiohet nga NATO për bazë detare. Ishte kjo kërkesë e bërë nga ministrja e Mbrojtjes e Shqipërisë Olta Xhaçka që Aleanca të konsiderojë Pashalimanin edhe për shkak të gjeografisë dhe avantazheve që ofron për të investuar edhe aty një bazë detare.

Në tetor të vitit të shkuar Ministrja Olta Xhaçka i është drejtuar përmes një letre zyrtare komandantit të Komandës Supreme për Europën, gjeneralit amerikan Tod D. Wolters, duke i parashtruar planin e qeverisë shqiptare për modernizimin e bazës detare të Pashalimanit, me qëllim përdorimin e saj nga NATO.

Ministrja Xhaçka u ka bërë të ditur drejtuesve të NATO-s se Shqipëria është gati për zbatimin e një plani të përbashkët për zhvillimin e bazës detare për Aleancën e Atlantikut të Veriut. Nëse do të pranohej një kërkesë e tillë nga NATO atëherë do të ishte e vetmja nga Aleanca në Ballkan për t’iu përgjigjur sfidave të emigracionit apo sigurisë nga kërcënimet.

E në një përgjigje të kësaj kërkese Sekretari i Përgjtihshëm i NATO-s Jens Stoltenberg deklaroi nga Brukseli se ekspertët e Aleancës po e vlerësojnë dhe do ta marrin në konsideratë një gjë të tillë.

Ndërkaq baza ajrore e Kuçovës do të jetë gati së shpejti, sipas projektit të hartuar nga NATO, një investim ky që kap vlerën e 50 milonë eurove.

* Për më shume bashkohuni në grupin tonë: https://www.facebook.com/groups/tpz.al/
More in AKTUALITET, LAJME
Video e publikuar nga Ardi Veliu, CRCA thirrje kryeministrit: Shkarkoni urgjentisht Drejtorin e Përgjithshëm të Policisë, ka shkelur katër ligje të shtetit

Qendra për Mbrojtjen e të Drejtave të Fëmijëve në Shqipëri, CRCA, ka reaguar në lidhje me videon e bërë publike...

Close