X

Ambasadori Nesho: Albin Kurti ishte fitore modeli, ai “prishi” modelin Rama në Ballkan

I ftuar në studion e TVT, në emisionin “Në fokus” të gazetarit Nertil Agalliu, ish-ambasadori i Shqipërisë në OKB, Agim Nesho, bëri një analizë të qartë të figurës se kreut te Vetvendosjes dhe kryeministrit në detyrë Albin Kurti. Si një njohës i mirë i politikës rajonale, dhe jo vetëm, Nesho, tha se fitorja e Albin Kurtit ishte një fitore model, i cili trembi jo pak edhe përbërjen politike të Tiranës dhe të vetë Edi Ramës.

“Fitorja e Kurtit ishte nje fitore modeli dhe e trembi shume edhe përbërjen e Tiranës, edhe të z.Rama. Deri tani Rama e projektoi veten e tij se ishte personi i duhur për të bërë iniciativa të rangut ballkanik deri në rrafshin nacional. Dolëm në një variant tjetër të një personazhi të ri, i cili kishte një ecuri jo për të përdorur nacionalizmin për qëllime pushteti por e kishte “sui-generis”, e kishte të lindur këtë gje, sepse lindi si një lëvizje nacionale, dhe u shëndrrua në lëvizje për të marrë përsipër administrimin e vendit, dmth Kurti që në fillim prishi modelin Rama, dhe kjo e agresoi shumë Ramen që në takimin e parë në Tiranë, sepse kishim përpara një udhëheqës të ri i cili mund të frymëzonte dhe të mobilizonte faktorin shqiptar në Ballkan, dhe kjo e bëri që vetë Thaçi e Rama, përpara kryeministrit Kurti të dilnin si figura të vjetra dhe një tranzicion drejt nje dalje jashtë lojës politike”, tha Nesho.

Duke qenë se në Kosovë Gjykata Kushtetuese vendosi pro presidenti Hashim Thaçi për të mandatuar qeverinë e re me kandidat për kryeministër Avdullah Hotin, ambasadori Nesho, sugjeron që Referendumi është një kushti që populli i Kosovës mund ta kaloj një vendim të tillë dhe që sipas tij, të rikthejë Kurtin edhe me fuqishëm në pushtet. Mirëpo, Nesho, nisur nga këto rrethana, për momentin nuk e sheh kthimin e VV në pushtet.

“Situata poltike në Kosovë, për disa muaj nuk do ti japi mundësi VV të bëj atë ndryshim që mendon një rikthim në pushtet, do të ketë një përkrahje gjithnnjë e me të rritur e cila do të variojë dhe nga rezultatet ose dështimet e reformes që liderët e Kosovës kanë premtuar që do ti japin vendit të tyre në funksion të kësaj do të jetë edhe ngritja në të ardhmën e VV”, tha ish-ambasadori i Shqipërisë në OKB, Agim Nesho

* Për më shume bashkohuni në grupin tonë: https://www.facebook.com/groups/tpz.al/
More in AKTUALITET, LAJME
Policia jep detaje zyrtare për plagosjen me armë zjarri në Peqin. Autori dhe 31 vjeçari u konfliktuan në lokal. Njihen si…

Një shtetas ka mbetur i plagosur me armë zjarri mbrëmjen e sotme në Peqin. Shtetasi Besmir Hakballa ka marrë plumb...

Close