X

“Akt barbar”/ Shkatërrimi i Teatrit Kombëtar merr vëmendjen e prestigjiozes “Le Monde”


Shembja e Teatrit Kombëtar ka bërë bujë edhe në mediat e huaja, ndërsa një artikull i ka dedikuar edhe gazeta e njohur franceze“Le Monde”.

Me titullin “Në Shqipëri shkatërrimi Teatrit Kombëtar <<Një akt barbar>>”, “Le Monde” shkruan se kryeministri Edi Rama nxjerr në pah karrierën e tij si artist, por se në të njëjtën kohë shkatërroi institucionin simbol të kulturës në vend.

Artikulli i përshtatur nga “Le Monde”:

Kryeministri shqiptar, Edi Rama, nxjerrë në pah karrierën e tij si artis vizual dhe shijet si piktor.

Kur ai ishte kryetari i Bashkisë së Tiranës, midis viteve 2000 dhe 2001, u bë i njohur në të gjithë botën, pasi ndërtesat e shurdhra e trashëguara nga diktatura komuniste, i pikturoi me ngjyra të ndritshme, duke i dhënë kryeqytetit shqiptar pak nga një galeri të hapur në ajër.

Por, të dielën, 17 maj, i njëjti, Edi Rama, kryeministër që nga viti 2013, dërgoi në agim policinë dhe fadromat për të shkatërruar një nga institucionet simbol të kulturës në vend, Teatrin Kombëtar.

Brenda, dhjetëra artistë e aktivistë që kishin “pushtuar” ndërtesën për më shumë se 2 vite, u dëbuan nga policia.

“Ata erdhën në orën 4:15 të mëngjesit, ne ishim ende rreth gjashtëdhjetë vetë, dhe sollën ata buldozerin”, thotë regjisori dhe aktori Edmond Budina, një nga përfaqësuesit e Aleancës për mbrojtjen e teatrit, që luftoi që nga viti 2018 për të shpëtuar këtë ndërtesë të ngritur në 1940 kur vendi u pushtua nga Italia.

Një demonstrim në të cilin liderët e opozitës morën pjesë të Dielën u shpërnda brutalisht.

* Për më shume bashkohuni në grupin tonë: https://www.facebook.com/groups/tpz.al/
More in FLASH, KRYESORE, LAJME
Hapen fqinjët, grekët janë rikthyer në plazhe nga 16 maji, Mali i Zi shpallet i lirë nga Covid-19

Shtetet fqinjë kanë avancuar në hapjen e ekonomisë pas bllokimit që shkaktuan kufizimet për parandalimin e përhapjes së Covid- 19....

Close