X

Dy aksidente në Korçë brenda pak minutash, makina hipën në trotuar dhe merr para babë e bir. Dy mjete të tjera përplasen “kokë më kokë”

Dy aksidente kanë ndodhur mbrëmjen e sotme në Korçë në pak minuta distancë nga njëra-tjetra. Një automjet ka hipur mbi trotuar dhe ka përplasur dy këmbësorë babë e bir që po ktheheshin në shtëpi.

Policia ka shkuar në vendin e ngjarjes dhe po punon për zbardhjen e rrethanave të aksidentit, ndërsa të plagosurit janë transportuar në spitalin e Korçës. Drejtuesi i mjetit është shoqëruar në komisariat.

“Më datë 25.05.2020, rreth orës 22:25, në lagjen nr. 3 shtetasi A. T., duke drejtuar mjetin tip “BMW”, ka dalë nga rruga dhe për pasojë ka përplasur dy këmbësorë shtetasin S. K., rreth 57 vjeç dhe djalin e tij shtetasin J. K., rreth 31 vjeç, që po ecnin në trotuar, të cilët u transportuan për mjekim në Spitalin e Korçës, ku ndodhen nën kujdesin e mjekëve. Drejtuesi i mjetit A. T., ndodhet i shoqëruar në Komisariat për veprime të mëtejshme. Grupi hetimor në vendngjarje po punon për zbardhjen e rrethanave dhe përcaktimin e shkaqeve të aksidentit”, njofton policia.

Ndërsa në aksidentin tjetër që ka ndodhur në periferi të Korçës mësohet se janë përplasur kokë më kokë dy mjete. Momentalisht raportohet vetëm për dëme materiale.

* Për më shume bashkohuni në grupin tonë: https://www.facebook.com/groups/tpz.al/
More in AKTUALITET, LAJME
Aksident në Korçë, makina përplas një 60-vjeçar që lëvizte më këmbë

Një aksident ka ndodhur mbrëmjen e sotme në Korçë. Një automjet ka përplasur një këmbësor rreth moshës 60-vjeçare i cili...

Close