Ulet numri i fataliteteve nga Covid-19 në 24 orët e fundit në Itali

22 Maj, 2020 18:45

Italia vazhdon betejën e saj kundër koronavirusit, edhe pse me më pak fatalitete.

Në 24 orët e fundit janë regjistruar 130 të vdekur, duke e çuar numrin e përgjithshëm në 32,626.

Gjithashtu janë verifikuar 652 raste të reja duke e çuar në 228,658 numrin e të infektuarve që nga nisja e pandemisë deri më sot. Të shëruar në 24 orët e fundit janë 2160 persona.

Numri i personave aktiv të infektuar është reduktuar në 59,322, 8,947 prej tyre po kurohen në struktura spitalore dhe 595 në repartet e terapisë intesive.