X

Zbulohet futbollisti i Gjilanit me COVID-19: Nuk kam asnjë shqetësim

Futbollisti i Dritës së Gjilanit, i cili rezultoi pozitiv me COVID-19 është Izair Emini, një emër i njohur edhe për opinionin futbollistik në Shqipëri, pasi ka luajtur me Kukësin në Superiore. Në një prononcim për mediet në Kosovë, Emini e pranon faktin se ka rezultuar pozitiv, por thekson se nuk ka simptoma dhe nuk ka ndier asnjë shqetësim.

“Po është e vërtetë që jam prekur me Covid-19, dje kemi bërë testet që të shohim se a jemi pozitiv apo negativ, ndërsa unë fatkeqësisht kam rezultuar pozitiv. Unë nuk kam pasur asnjë shenjë nga ky virus që po flitet. Nuk kam pasur asnjë problem me fyt, kollitje apo shqetësime në gjoks. Jam normal dhe shumë mirë.

Jam vetizoluar për 14 ditë, pasi kështu kam udhëzimet nga kontrolli shëndetësor dhe nuk mund të lëviz më shumë. Jam në shtëpi. Duhet të qëndroj në shtëpi me një dhomë. Nuk kam pasur kontakte me ndonjë futbollist, trajner apo aktorë të futbollit, thjesht kam bërë stërvitjet individuale pa ndërprerje”, – u shpreh 34-vjeçari nga Tetova.

* Për më shume bashkohuni në grupin tonë: https://www.facebook.com/groups/tpz.al/
More in SPORT
Fabio Capello: “Fenomeni” talenti më i madh, por më hapte probleme

Fabio Capello dhe Ronaldo Nazario de Lima punuan me njëri-tjetrin për gjysmë viti te Real Madridi. Nga korriku 2006 deri...

Close