X

Avokati i ditur Ngjela: Amerika e do Dvoranin. Pas koronavirusit, rikthehet reforma në drejtësi për Metën!

Sot, kur kurba e koronavirusit në Shqipëri, me vendim dhe urdhër të liderit suprem, drejtorit të OSBE-së dhe shtet-rrethimit, zotni Edi Ramës, filloi të bjerë, automatikisht, u aktivizua në të gjitha detyrat e veta, të kohës para virusit edhe zëdhënësi i FBI-së dhe Departamentit të Shtetit, avokati fort i njohur, Spartak Ngjela.

Përmes një statusi të lëshuar në orët e fundit, avokati ynë i ditur, bën me dije se, gjyqtari me detyra të larta në lëmën e drejtësisë, kryetari i KED-së, Ardian Dvorani, është një njeri shumë i dashur për Amerikën.
Avokati mbërrin në këtë konkluzion, pas vizitës që ambasadorja amerikane, bëri në zyrën e këtij të fundit, sidomos duke u nisur nga fotografia që u publikua për këtë event.

– Takimin me gjyqtarin e lartë, Ardian Dvorani, ajo nuk e ka vendosur pa një nënkuptim, – thekson avokati ynë i mençur.

– Qëndrimi i prerë i ambasadores Yuri Kim, sigurisht që është një goditje e fortë kundër Metës dhe të gjithë korrupsionit të lartë shtetëror në Shqipëri.
Ky korrupsion, ndërkohë i kishte varur shpresat tek epidemia e koronavirusit, – nënvizon më tej avokati i ndritur.

PS. Për t’u bërë me dije gjerësisht, mbi analizën e parë post-koronavirus, për reformën në drejtësi, nga ana e avokatit, ju lutemi lexoni statusin e tij të plotë!

/TPZ.al/ Tej e këtej/

SPARTAK NGJELA – FAQJA ZYRTARE

Ambasadorja amerikane takon Ardian Dvoranin dhe i thekson opinionit publik shqiptar se çështja e drejtësisë është një çështje kyç për zhvillimin e Shqipërisë. Politika amerikane po e mbështet këtë me të njëjtën forcë.

Në të njëjtën kohë, këtë theks diplomatik, ajo nuk e ka vendosur pa një nënkuptim në takimin me gjyqtarin e lartë Ardian Dvorani. Dvorani tamam këto ditë po sulmohet nga Meta. Meta në fakt po vuan që t’i shpëtojë shkarkimit të tij me anë të kontrollit të Gjykatës Kushtetuese, sepse Dvorani është kryetar i Këshillit të Emërimeve në Drejtësi.
Qëndrimi i prerë i ambasadores Yuri Kim sigurisht që është një goditje e fortë kundër Metës dhe të gjithë korrupsionit të lartë shtetëror në Shqipëri. Ky korrupsion, ndërkohë i kishte varur shpresat te epidemia e koronavirusit.
Dalja sot e ambasadores Yuri Kim, ishte tamam në kohë, kur korrupsioni Meta e kompani ka ngritur veshët, duke menduar se koronavirusi do t’i shpëtonte ata nga pastrimi antikorrupsion. Në të njëjtën kohë politika amerikane po i thotë hapur Metës: larg duart nga drejtësia.
Shumë mirë që politika amerikane me ambasadoren elokuente në sensin logjik, dhe të drejtpërdrejtë në sensin diplomatik, filloi në Tiranë ta vendosë sërish theksin te reforma antikorrupsion. Por edhe te goditja ligjore kundër individëve të korruptuar të shtresës së lartë të pushtetarëve në Shqipëri.

Politika amerikanë tha sot në Tiranë se, bashkë me eliminimin e koronavirusit, do të nisë këtu me forcë edhe pastrimi i korrupsionit të lartë shtetëror.

* Për më shume bashkohuni në grupin tonë: https://www.facebook.com/groups/tpz.al/
More in TEJ E KETEJ
Pas zhdukjes së mistershme të liderit Kim Yong-un, zhduket edhe lideri Behgjet Pacolli. Baton Haxhiu jep disa sqarime…

Koronavirusi, sa vjen dhe po e çon botën drejt hapësirave të frikshme. Pas zhdukjes, humbjes, apo largqoftë edhe vdekjes, të...

Close