X

Gruaja uron Koço Kokëdhimën për ditëlindje: Zoti Koço, marrsh nga ditët e mia! 

Si sot, në 21 prill 1959, pra 61 vjet më parë, ka lindur kryetari i Partisë Zgjidhja të Shqipërisë, zotni Koço Kokëdhima.

Zotni Koço, lindi në Qeparo të Himarës, qarku i Vlorës dhe jeta e tij, siç edhe e njohin pothuajse të gjithë shqiptarët, është e mbushur plot e përplot, me suksese dhe lavdi, në të dy kohët, si në diktaturë dhe në demokraci.

Në fillim, pasi mbaroi shkëlqyeshëm studimet e larta, nga viti 1984, deri në vitin 1991, Koçoja u bë dhe ushtroi detyrën, e Sekretarit të Parë të Komitetit të Bashkimit të Rinisë të Punës së Shqipërisë, për rrethin e Fierit.

Më pas, me rënien e komunizmit, Koçoja u bë një nga sipërmarrësit më të pasur dhe më të suksesshëm në Shqipëri.

Në vitin 2013, kur në pushtet erdhi Partia Socialiste dhe Edi Rama, Koçoja u bë deputet i Partisë Socialiste dhe njëkohësisht Komisar politik i qarkut të Vlorës.

Gjatë kësaj kohe, Koçoja ishte jo vetëm mentori, por edhe drejtuesi i Shqipërisë, sëbashku me Edi Ramën.

Dhe ashtu siç ndodh rëndom, erdhi një kohë, që dy miqtë e ngushtë, u prishën dhe u ndanë edhe pse, Edi Rama ishte zotuar publikisht, që edhe pleqërinë e thellë do ta kalonte, i kapur dorë për dore, me Koçon në Qeparo.
Miqtë e ngushtë u bënë armiqtë më të mëdhenj për njëri tjetrin dhe me rritjen e kësaj armiqësie, Koço krijoi edhe partinë e vet “Zgjidhja”.

Sot, që zoti Koço mbushi 61 vjeç, urimin më të mirë, më të ndjerë dhe më të sinqertë, e mori nga gruaja e tij Brixhilda.

– Koço i dashur, – thotë Brixhilda në statusin e saj – je bekimi i Zotit për mua! Më bëre të lumtur, krenare dhe të pasur! Marrsh nga ditët e mia, dashuria ime!

Kështu thotë Brixhilda, kjo zonjë e fortë, që e ka duruar Koçon pambarimisht, që nga njohja deri sot dhe gjithë këtë kohë, ajo në mënyrë stoike, kurrë nuk i ka thirrur Koços, Koço, edhe kur janë vetëm në shtëpi, por gjithmonë zoti Koço.

Në fakt, zoti Kokëdhima, ose zoti Koço, siç thotë Brixhilda, i ka realizuar të gjitha gjërat që ka dashur.
Edhe shtëpinë e ka ndërtuar aty ku ka dëshiruar, ballë përballë me vilën e Enver Hoxhës dhe është nga njerëzit më të kënaqur nga jeta.

Në këtë 61 vjetor edhe ne i urojmë zotit Koço, jetë të gjatë edhe 100 vjet! Por, pa mundur t’i japim dot ditë nga jeta jonë!

PS. Lexoni më poshtë të plotë,  urimin e zonjës Brixhilda për zotin Koço.

/TPZ.al/ Tej e këtej/

 

* Për më shume bashkohuni në grupin tonë: https://www.facebook.com/groups/tpz.al/
More in TEJ E KETEJ
Alfred Peza, rapsodi për Edi Ramën: Ai është Odiseja ynë, mbreti ynë, perëndia jonë, heroi që ka mbushur veshët me dyll! 

Ish gazetarit të kronikës së zezë, anëtarit të Komitetit Qëndror të Rilindjes, poseduesit të aksioneve bankare dhe ideatorit të binjakëzimit...

Close