X

Burg për thyerjen e karantinës/ Rakipi: Kriza të tilla forcojnë diktaturat, Rama po përfiton, duke frikësuar popullin!

Gazetari Ylli Rakipi, ka qenë i ftuar në emisionin “Në fokus”, në “Tv T”, ku ka folur për nismën e qeverisë, për miratimin e një projekligji, që do të mundësojë dënime të ashpra me burgim, për personat që thyejnë karantinën.

Rakipi tha se kjo është një masë represive, e cila krijon hapësirë për të forcuar më tej regjimin.

Sipas Rakipit, këto masa represive, mund ta ndihmojnë Ramën edhe në vitin elektoral, nëse virusi do të vijojë, apo do të rikthehet siç kanë paralajmëruar ekspertët.

Jemi në një krizë dhe në kohë të tilla, kriza të mëdha, bëjnë vend dhe krijojnë hapësira, për të lindur dhe  për t’u forcuar diktaturat e mëdha. Të mendosh që të dënosh me 5 deri në 15 vjet burg, një qytetar që del pa leje nga banesa, do të thotë as më shumë dhe as më pak, të instalosh diktaturën, regjimin.  Rama në këto momente po përfiton për ta rritur regjimin.

Shqipëria, duke filluar nga shtatori, shkon drejt një viti elektoral, shkon drejt zgjedhjeve të reja. Një ligj i tillë, duke patur parasysh dhe atë që thotë OBSH dhe ekspertët, se ky virus do të zgjasë,  në një vend si Shqipëria, përfytyro ç’mund të bësh me këtë ligj, çfarë presioni mund të ushtrosh mbi njerëzit, sa mund ta rrisësh frikën tek ky popull.

Të kalosh tek masa të tilla, në burgosjen e qytetarëve, është represion i drejtëpërdrejt dhe përpjekje për ta zotëruar plotësisht skenën shqiptare“, tha Rakipi.

/TPZ.al/

VIDEO:

INTERVISTA E PLOTË NË “TV T”:

* Për më shume bashkohuni në grupin tonë: https://www.facebook.com/groups/tpz.al/
More in FLASH, KRYESORE, LAJME, VIDEO
Greqia paketë shtesë ekonomike, Mitsotakis: 800 euro për 750 mijë punëtorë, për ata që kanë mbi një vit që nuk punojnë 400 euro

Kryeministri grek, Kyriakos Mitsotakis, ka prezantuar sot një paketë shtesë ekonomike që synon bizneset dhe të papunët. Mitsotakis shprehet se,...

Close