X

“Nuk mund të vazhdoj ta luftoj”, fjalia e fundit e 45-vjeçarit në betejë me koronavirusin

Babai i dy fëmijëve, Ryan Storrie, 45 vjeç nga Ardrossan, Ayrshire, ka jetuar në Dubai, por fluturoi drejt Glasgow për festimin e ditëlindjes.

Storrie, i cili vuante nga astma, besohet se e kishte marrë virusin pas zbarkimit, por i ishte thënë që të qëndronte në dhomën e tij të gjumit, sesa të shkonte në spital, ndërsa ai u përpoq të luftonte virusin.

Gruaja e tij, Hilary tregoi se si ai i kishte thënë: “Kaq ishte Hilary, nuk mund të vazhdoj ta luftoj”, mbrëmjen para se ajo ta gjente të vdekur në shtratin e tij.

Djemtë e çiftit, Aaron, 13 vjeç dhe Andrew 11, aktualisht janë duke u izoluar me nënën e tyre për 14 ditë, pa u takuar me familjen dhe miqtë. Hilary tha që burrit të saj i ishte thënë që të qëndronte në banesën e familjes, pasi u zbulua se kishte temperaturë më 20 mars.

Ditën e dhjetë të sëmundjes, Storrie po vuante nga temperatura dhe kolla e vazhdueshme dhe mezi mund të fliste.

Por gruaja e tij kishte menduar se gjendja e tij u përmirësua atë mbrëmje, kur ai u bashkua me të në dhomën e ndenjes.

“Atëherë u kthye dhe më tha: ‘Kaq ishte Hilary, nuk mund të vazhdoj ta luftoj’. Ai shkoi në shtratin e tij atë natë dhe kur unë shkova ta kontrolloja mëngjesin tjetër, dita e 11-të e sëmundjes, ai nuk ishte më”, citon “Mail“.

Ajo i kishte bërë një CPR para se të mbërrinte ambulnca, por ishte vonë për ta shpëtuar.

Hilaty bëri thirrje që njerëzit të qëndrojnë brenda dhe të respektojnë udhëzimet e bllokimit: “Duhet të vdesë dikush që e doni nga kjo, që ju të kuptoni se sa serioze është”.

* Për më shume bashkohuni në grupin tonë: https://www.facebook.com/groups/tpz.al/
More in LAJME, Magazine
Shefi i OKB apelon për armëpushim global për të luftuar koronavirusin

Sekretari i përgjithshëm i Kombeve të Bashkuara, Antonio Guterres, bëri thirrje për armëpushim global, në mënyrë që t’iu lejohet vendeve...

Close