X

Koronavirusi/ Pëllumb Pipero jep lajmin e mirë: Pas disa ditësh do të ketë rënie


Mjeku infeksionist, Pllumb Pipero ka dhënë një lajm shpresëdhënës gjatë një bisede telefonike me TV Fax News ku tha se nëse gjatë kësaj jave do ketë rënie të numrit të personave me koronavirus apo qëndrim në këtë nivele, pas kësaj beson se do të ketë ulje të numrit të të infektuarve në vend.

Ai tha se situata momentalisht e është e qëndrueshme ndërsa pohoi se 6 pacientë ndodhen në inturbim disa prej të cilëve në gjendje të rëndë e disa të tjerë relativisht t rëndë.

Ai i tha gazetares Xhilda Kondi se nëse numrat e personave të infektuar do vijnë në rënie gjatë kësaj jave, tregon se masat e marra kanë qenë efektive dhe të duhurat, në të kundërt sipas tij ‘faj’ do të rëndojë mbi qytetarët që nuk i kanë ndjekur.

“Edhe unë nga media e kam ndjekur deklaratën e ministrisë sepse jam në spital. Më duket situatë e qëndrueshme. Situata e pacientëve është e ndryshme. Numrat e personave që shërohen janë në shtim dita-ditës, kemi persona në gjendje të rëndë apo relativisht të rëndë, kemi 5-6 pacientë të inturbuar, kemi nga ata që kanë sëmundje bashkëshoqëruese që jemi të rezervuar të japim informacione. Edhe ne nuk bëjmë përjashtim nga bota, edhe tek ne një 80-vjeçare është shëruar.

Shumica e kalojnë në forma të lehta, duhet bashkëpunim me mjekun, kurajo. Nuk besoj se e kemi arritur pikun, kjo javë do të na tregojë, jam i bindur se kjo javë do të tregojë shumë. Ata që janë pozitiv dhe qëndrojnë në shtëpi nuk duhet të përdorin asnjë medikament pa konsultën e mjekut. Në dijeninë time rastet që qëndrojnë në shtëpi nuk janë të sëmurë por të infektuar.

Në asnjë mënyrë pa këshillën e mjekut medikamente. Është e vështirë të jap një mendim të saktë për atë që vjen.

Mendoj se pas kësaj jave ose do mbeten në këto shifra ose do vijojnë të bien. Do na tregojë shumë nëse kjo javë do vijë duke u ulur do tregojë se masat kanë dhënë shumë dhe nëse do të vijojnë shtimin do të tregojë se nuk janë ndjekur rregullat dhe udhëzimet”, tha Pipero.

* Për më shume bashkohuni në grupin tonë: https://www.facebook.com/groups/tpz.al/
More in AKTUALITET, FLASH, LAJME
“Nuk bëra asgjë të keqe”, italianët nuk frikësohen nga shifra e lartë e viktimave, hapin lokalet dhe organizojnë “party”

Italia vazhdon betejën e saj me pandeminë e koronavirusit. Që nga nisja e pandemisë e deri më sot numri i...

Close