X

Koronavirusi/ 600 të burgosur lënë qelitë për t’u mbyllur tre muaj në shtëpi, kush kapet në rrugë, pesë vite burg shtesë


Pritet të lënë qelitë 600 të burgosur, të cilët përfituan nga akti normativ për situatën emergjente të krijuar, pas përhapjes së COVID-19 në vendin tonë. Të burgosurit do të vetëkarantinohen në shtëpitë e tyre për 3 muaj dhe nëse dalin në rrugë do iu rritet dënimi i tyre me 5 vite.

Nga ky projektligj përfitojnë personat e dënuar me vendim të formës së prerë që u kanë mbetur për të vuajtur nga dënimi i dhënë deri në 3 vjet burgim.

Pjesë e listës janë edhe të dënuarit iu kanë mbetur deri në 5 vjet burgim, por që duhet të jenë mbi 60-vjeç dhe që vuajnë nga sëmundje kronike.

Koronavurusi tashmë është edhe një kërcënim për shqiptarët. Deri më tani janë 146 të infektuar, 17 prej të cilëve janë shëruar dhe fatkeqësisht janë shënuar edhe 6 viktima.

Harta e të prekurve në Shqipëri është zgjeruar, ku epiqendra e COVID-19 është Tirana, e pas saj vjen Fieri e Korça.

Të infektuar ka edhe në Lezhë, Shkodër, Vlorë, Kavajë e Elbasan. Gjendja e të shtruarve në pavion është e stabilizuar deri më tani, ndërkohë që autoritetet bëjnë thirrje që qytetarët të qëndrojnë brenda.

* Për më shume bashkohuni në grupin tonë: https://www.facebook.com/groups/tpz.al/
More in AKTUALITET, LAJME
Hapja e negociatave, KASH: Klasa politike të gjejë konsensusin. Platformë e përbashkët për të plotësuar kushtet e BE

Këshilli i Ambasadorëve Shqiptarë ka përshëndetur sot vendimin e BE-së për të nisur negociatat me Shqipërinë, duke e cilësuar këtë...

Close