X

“Engjëj të botës, që jetën kanë mbështjellë me dritën e syrit”, Luan Rama dedikim për mjekët që luftojnë me koronavirusin


Një dedikim i ndjerë në këtë situatë të vështirë që po kalojmë në përballje me koronavirusin, i bëhet mjekëve që po luftojnë në front të parë.

Përmes një poezie, Luan Rama nga LSI-ja i cilëson ata engjëjt e botës që ruajnë jetët e njerëzve, duke i qëndruar besnikë betimit të Hipokratit.

ENGJËJT E BOTËS

( Dedikim mjekëve)
Kapluar në ethe,
Prej ashtit të vet

Bota rënkon dhembjen e njeriut!
Ngrijnë retë nëpër qiell
Prej piskamës së shpirtit,
E dhembja në dhembje mpihet!

Yjet – kristale gjaku,
Rrugën e Qumështit gjakojnë,
Ndërsa bota pezmon në detin e dhembjes së vet!
Mes Skillës dhe Karibdës,

Flama – kurorë,
Luan me fatin e saj!
Rrugët e botës,
Si damarë të zbrazur,
Presin të ndjejnë prapë
Vlagën e jetës.

Qytetet e botës
të ndalur në bosh,
Presin këngën e njeriut,

që të mos ngjajnë më si arkëmorte ëndrrash të vrara!
Shpirti i Dantes,
Më dha këngët e Beatriçes,
T’ju falem mjekëve – engjëj të botës,

Që jetën kanë mbështjellë me dritën e syrit,
Dhe e ruajnë si amanetin e brengës së madhe të Hipokratit!

Asnjë të mos harrojë se është njeri!

* Për më shume bashkohuni në grupin tonë: https://www.facebook.com/groups/tpz.al/
More in BLOG
Gazetarja, Ramës: Po pataksen fëmijë e të moshuar me makabritetin e komunikimit

Nga Sonila Meço Të mbyllur në vetizolim, me fëmijë e familjarë rrekemi të ruajmë me disiplinë, rregull, durim e një...

Close