X

Koronavirusi mbërrin në Shqipëri, konfirmohen zyrtarisht dy raste

Koronavirusi ka mbërritur edhe në Shqipëri. Lajmi është konfirmuar zyrtarisht nga Ministria e Shëndetësisë, përmes një njoftimi të shpërndarë për mediat në mesnatë.

Në këtë njoftim, thuhet se janë dy persona të infektuar, babë e bir, të cilët kanë udhëtuar drejt Shqipërisë nga qyteti i Firences në Itali. Por nuk jepen më tepër detaje rreth identitetit të tyre apo vendit se ku janë duke marrë mjekim.

Njoftimi i Ministrisë së Shëndetësisë

Konfirmohen dy raste të importuara me COVID-19 në Shqipëri. Gjendja e dy të prekurve babë e bir që kanë udhëtuar nga Firence në Tiranë është e stabilizuar dhe nuk paraqesin komplikacione. Strukturat tona të urgjencës kombëtare dhe ISHP janë duke ndjekur protokollin klinik dhe epidemiologjik për të dy rastet.

MSHMS përsërit thirrjen për qytetarët që kanë udhëtuar nga vende të prekura dhe ndjejnë simptoma të ngjashme me gripin, të telefonojnë në nr.127, ku mjekët tanë do t’i përgjigjen çdo rasti.

MSHMS u bën thirrje qytetarëve të ruajnë qetësinë dhe të zbatojnë rigorozisht rregullat e higjenës, sipas njoftimeve që kemi bërë gjatë gjithë kësaj kohe.

Gjithashtu u bëjmë thirrje qytetarëve që t’u referohen vetëm burimeve zyrtare për marrjen e informacionit.

MSHMS do të vazhdojë të ofrojë informacione të përditshme mbi situatën dhe masat e marra.

Informacion i përditësuar

Dy qytetarët e konfirmuar me koronavirusin e ri, babë e bir, 54 vjeç dhe 28 vjeç kanë qëndruar disa ditë në Firence dhe kanë udhëtuar në rrugë tokësore nga Firence drejt Tiranës, nëpërmjet pikës kufitare të Hanit të Hotit, me makinë personale.
Menjëherë pas shfaqjes së shenjave klinike dhe lajmërimit të urgjencës kombëtare në nr.127 i janë marrë mostrat, të cilat u konfirmuan mbrëmjen e sotme nga laboratori i virologjisë në IShP.
Dy rastet e konfirmuara me COVID-19 janë në gjendje të stabilizuar dhe po trajtohen në spitalin infektiv në Tiranë.
Ndërkohë strukturat e shëndetit publik po realizojnë hetimin epidemiologjik dhe marrjen e mostrave të kontakteve.

* Për më shume bashkohuni në grupin tonë: https://www.facebook.com/groups/tpz.al/
More in FLASH, KRYESORE, LAJME, NË FOKUS, VIDEO
Frika nga koronavirusi/ Plas revolta në burgjet italiane, një i vdekur

Një revoltë e dhunshme ka shpërthyer në disa burgje të Italisë si pasojë e masave të marra nga qeveria Conte...

Close