X

FOTO/ “Bullgaria ishte streha e sigurt e shqiptarëve”, Meta ngre dolli me Presidentin Radev, kujton çfarë ndodhi deri në Pavarësinë e Shqipërisë


Presidenti Ilir Meta zhvilloi dje një takim me homologun bullgar, Rumen Radev, me të cilin ka ngritur edhe dolli për miqësinë e fortë mes dy popujve.

Këtë e thotë vetë Presidenti shqiptar, përmes një postimi në “Facebook”, shoqëruar dhe me foto nga takimi miqësor.

Ndër të tjera, Kreu i Shtetit vlerëson marrëdhëniet shumë të ngushta mes dy vendeve, teksa shton se Bullgaria ishte streha e sigurt e shumë patriotëve shqiptarë gjatë Rilindjes Kombëtare në luftën për përhapjen e gjuhës shqipe dhe arritjen e pavarësisë.

“I lumtur të ngrija një dolli me Presidentin Radev për miqësinë e fortë të dy popujve tanë! Bullgaria ishte streha e sigurt e shumë patriotëve tanë gjatë Rilindjes Kombëtare në luftën për përhapjen e gjuhës shqipe dhe arritjen e Pavarësisë.

Në Sofje, Shahin Kolonja, Kristo Luarasi, Mithat Frashëri etj., në shtypshkronjën “Mbrothësia” botuan abetare pafund dhe gazetën “Drita” për t’i shpërndarë kudo në Atdhe me qëllim lartësimin e ndjenjave kombëtare dhe mobilizimin për kryengritjet finale që do sillnin Pavarësinë tonë në 28 nëntor 1912.

Edhe e ardhmja e marrëdhënieve shqiptaro-bullgare duket plot shkëlqim e mirëbesim. 🇦🇱🤝🇧🇬”, shkruan Meta.

* Për më shume bashkohuni në grupin tonë: https://www.facebook.com/groups/tpz.al/
More in AKTUALITET, LAJME
Parashikimi i motit për ditën e sotme

Ditën e sotme pritet të ketë reshje shiu në gjithë vendin. Shërbimi Meteorologjik Ushtarak njofton se temperaturat minimale do të...

Close