X

Mehmeti: Koronavirusi? Droga dhe plehrat politikë, rreziku më i madh për Shqipërinë

Publicisti nga Shkupi Kim Mehmeti është i mendimit se nuk duhet të bëhet kaq e madhe situata me koronavirusin. I ftuar në studion e lajmeve në RTV Ora, ai u shpreh se epidemia më e madhe janë narkomanët, të cilët janë prezent në Shqipëri, ndërsa mbajtjen e maskave e quajti një situata qeshkarake.

“Njeriu duhet të mbrohet nga çdo sëmundje. Mirëpo ne shqiptarët, në çdo lagje shqiptare kemi nga 10 narkomanë, që është një epidemi shumë më e madhe se kjo, por ne nuk shqetësohemi. Për koronavirusin të gjithëve na ka kapur paniku. Kur erdha në Tiranë, u përballa me një situatë qesharake, të gjithë me ato maskat në fytyrë që nuk mbrojnë asgjë. Dua të them që njeriu duhet të mbrohet nga çdo sëmundje, mirëpo ka një sëmundje që nuk iket, ajo është pleqëria. Sëmundja më e madhe e njeriut është jeta që harxhohet, por atë askush nuk e bën të madhe. I ka kapur paniku për koronavirusin, ndoshta ngaqë është sëmundje e re”, tha Mehmeti.

Sipas tij ka një ilaç, ajo është vetëdija njerëzore. Virusi më i tmerrshëm, tha Kim Mehmeti, është që Shqipëria është mbuluar me plehra politikë.

“Ka një ilaç, që është vetëdija njerëzore. Nëse njeriu është i vetëdijshëm ai duhet ta kuptojë që mbi të gjitha ka një virus në këtë botë, që e shkatërron këtë botë, por që nuk shqetësohemi. Është virusi që ne e ndotim, e helmojmë shtëpinë e vetme që na ka dhënë zoti, natyrën. Dilni jashtë nëpër Shqipëri dhe do shikoni që virusi më i tmerrshëm është që Shqipëria është mbuluar me plehra, lerë që është mbuluar dhe me plehra politikë, është mbuluar me çdo gjë, por kjo ne nuk na shqetëson, që ne e shkatërruam shtëpinë e përbashkët, natyrën. Unë nuk dua të them që kjo të neglizhohet, por jo të bëhet edhe kaq e madhe”, shtoi më tej publicisti Kim Mehmeti.

* Për më shume bashkohuni në grupin tonë: https://www.facebook.com/groups/tpz.al/
More in AKTUALITET, LAJME
“Toni” dhe “Denisi”, agjentët e infiltruar të policisë që zbuluan skemën e basteve online

Gazetarja Anila Hoxha ka zbërthyer skemën, se si me anë dy agjentëve të infiltruar, Policia e Shtetit në bashkëpunim me...

Close