X

Bajerni triumfon përballë Paderborn, Levandovski shënon në fund përballë Gjasulës


Bajern Mynih ka vazhduar të kryesojë i shkëputur Bundesligën pas një suksesi të rëndësishëm 3-2 mbrëmë përballë Paderborn.

Por bavarezëve u është dashur të djersijnë shumë për të siguruar këtë sukses ndaj skuadrës që lufton për mbijetesë, e cila iu afrua shumë pranë surprizës duke përfituar nga një gafë e pazakontë e Manuel Nojer.

Ekipi i Flik shënoi golin e parë me anë të Gnabri dhe dukej në kontroll të ndeshjes. Por në fundin e pjesës së parë, miqtë ku Gjasula ishte titullar, ia dolën të barazonin shifrat kur Nojer doli për të larguar topin përballë Srbeni e ky i fundit e turpëroi duke ia kaluar sferën mes këmbëve para se të shkonte në portë e ta çonte në rrjetë.

Levandovski në pjesën e dytë ktheu përsëri avantazhin bavarez, por ekipi vendas nuk ishte edhe aq i përqendruar në lojën mbrojtëse dhe pësoi gol nga Mishel në minutën e 75-të, duke çuar rezultatin në 2-2.

Dukej se gjithçka po përfundonte barazim, në një ndeshje të njollosur nga ajo gafë e Nojer që do të hapte shumë diskutime.

Megjithatë, ishte përsëri Levandovski ai që u shfaq në vendin e duhur në momentin e duhur duke shtyrë topin në rrjetë për golin e tij të 25-të në kampionat dhe për fitoren 3-2 të Bajernit.

* Për më shume bashkohuni në grupin tonë: https://www.facebook.com/groups/tpz.al/
More in SPORT
Përmbysje e çmendur në tri minuta, Tirana i rrëmben kreun Kukësit

Tirana është kryesuesja e re e Kategorisë Superiore dhe do të shkojë në derbin e kryeqytetit të javës së ardhshme...

Close