X

Video/ “Nuk mundem më”, britmat e mjekes kineze, që po lufton me koronavirusin vdekjeprurës

Një video po shpërndahet me shpejtësi në rrjetet sociale, e cila tregon një mjeke kineze në një moment dëshpërimi. Mjekja qan me ulërima, sepse ka punuar pa pushim në ndihmë të personave të prekur nga koronavirusi vdekjeprurës. “Nuk mundem më”, kjo është britma që lëshon mjekia në një sallë me kolegët e saj.

Një tjetër video tregon një doktor kinez, i cili po i bërtet në telefon menaxherit të spitalit, sepse ky i fundit nuk po ndihmon në trajtimin e pacientit.

Situata në Kinë vijon të jetë mjaft e rëndë dhe autoritetet kineze kanë bërë të ditur se koronavirusi po përhapet me ritme të larta.  Deri në këto momente, kanë humbur jetën 81 persona.

VIDEO:

Çfarë është Koronavirusi?

Koronaviruset janë një grup i madh virusesh, të cilat njihen gjerësisht në botën e kafshëve, por në raste të rralla ato mund të transmetohen nga kafshët tek njerëzit. Përpara këtij virusi,  bota ka njohur dy Koronaviruse të rrezikshëm si, MERS dhe SARS.
Virusi mund t’i sëmurë njerëzit dhe të krijojë probleme në rrugët e frymëmarrjes, të ngjashme me viruset e rëndomta që prekin popullatën, por shumë të rrezikshme. Përshembull, disa nga simptomat e këtij virusi janë; kolla, dhimbjet e kokës, temperaturë e lartë, dhembje të fytit, të cilat mund të zgjasin për dy ditë.
Për personat me sistem imunitar të dobët, siç janë të moshuarit apo bebet, ekziston rreziku që virusi të shkaktojë sëmundje më të rënda të rrugëve të frymëmarrjes, si pneumonia apo bronkiti.
Personat që janë prekur nga virusi, raportohet se kanë patur të gjithë probleme me frymëmarrjen. Duke qenë se bëhet fjalë për pneumoninë virale, antibiotikët janë të padobishëm.
Mjekët sqarojnë se mund të përdoren ilaçe antivirale, por ato thjesht menaxhojnë simptomat duke i lehtësuar ato, por nuk eleminojnë virusin. Shërimi i pacientit varet nga fuqia e sistemit imunitar.

Si përhapet ky virus?

Virusi përhapet fillimisht nga kafshët tek njerëzit. Shkencëtarët janë të mendimit se virusi MERS u përhap prej gamileve, ndërsa virusi SARS prej maceve.
Virusi përhapet mes njerëzve, pas kontaktit me sekrecionet e personit të prekur. Virusi mund të përhapet nëpërmjet kollës, teshtimave apo edhe nga një shtrëngimi duarsh, përpara se një person i prekur nga virusi të shfaqë shenja, çka e bën më të vështirë virusin për t’u izoluar.

Masat që duhen marrë për të ulur rrezikun e infektimit.

Çdo person duhet të jetë i kujdesshëm dhe të ndërmarrë hapa, për të ulur rrezikun e prekjes nga virusi. Fillimisht duhen evituar personat që janë të sëmurë dhe kontakti i afërt me njerëz që mund të kenë vizituar zonat e prekura më tepër nga virusi. Mundohuni të mos prekni sytë, hundën dhe gojën. Lani duart shpesh me sapun të paktën për 20 sekonda. Nëse jeni sëmurë, qëndroni në shtëpi, evitoni turmat dhe kontaktin me të tjerët. Mbulojeni gojën dhe hundën kur kolliteni dhe tështini. Gjithashtu, disinfektoni objektet që prekni.

/TPZ.al/

 

* Për më shume bashkohuni në grupin tonë: https://www.facebook.com/groups/tpz.al/
More in AKTUALITET, BOTA, LAJME
Shqiptari i dehur sulmon mjekët dhe policinë

Një 44-vjeçar shqiptar u arrestua mbrëmjen e së dielës pasi sulmoi punonjësit e ambulancës e më pas një oficer policie...

Close