X

Olsian Çela kërkesë KQZ-së: Na sillni formularin e vetëdeklarimit të kryebashkiakut të Mallakastrës


Një tjetër kryebashkiak socialist nis përballjen me drejtësinë.

Pas akuzave të Partisë Demokratike se kryebashkiaku i Mallakastrës, Qerim Ismailaj, ka fshehur në formularin e Dekriminalizimit dënimin me 3 vite burg në Greqi për plagosje, Prokuroria e Përgjithshme i ka dërguar një kërkesë zyrtare Komisionit Qendror të Zgjedhjeve, ku kërkon informacion për ligjvënësin e pushtetit lokal.

Në dokumentin e siguruar për “BalkanWeb” që mban firmën e kryeprokurorit Olsian Çela, akuza i kërkon KQZ formularin e vetëdeklarimit të kryebashkiakut Ismailaj.

“Na vini në dispozicion formularin e vetëdeklarimit të Qerim Ismailaj. Kërkojmë përcjelljen sa më parë të këtij formulari”, thuhet ndër të tjera në kërkesën që Prokuroria i drejton KQZ.

Kërkesa e Prokurorisë së Përgjithshme është në funksion të hetimit nga Organi i Akuzës për kryebashkiakun, pas denoncimit të PD.

* Për më shume bashkohuni në grupin tonë: https://www.facebook.com/groups/tpz.al/
More in AKTUALITET, LAJME
‘Poshtërim! Edi Ramën e rrëzuan si kryesues të radhës të OSBE’

"Një poshtërim më i madh se sa me rastin e Maqedonisë së Veriut! Largimi i Ministrit të Jashtëm shqiptar nga...

Close