X

Dvorani: Bëra sqarimet në prokurori, hetimi nuk bëhet në media


Kreu i Këshillit të Emërimit në Drejtësi, Ardian Dvorani, foli për mediat pasi doli nga Prokuroria, ku u pyet për padinë e ngritur ndaj tij prej kreut të shtetit.
Dvorani tha se nuk ka asgjë të veçantë për të deklaruar.

“Dola përpara prokurorëve, siç e ka detyrimin cilido. Kam shpjeguar faktet e rrethanat. Unë jam gjyqtar e s’mund të jem gjithë kohën në media, e kam dhënë qëndrimin tim, por s’ka rëndësi çfarë mendoj unë, madje mund të them se s’ka rëndësi as çfarë mendon presidenti, tani është prokuroria që do bëjë verifikimet dhe në përputhje me ligjin do vlerësojë dhe më pas do jetë gjykata, nëse do jetë rasti i gjykatës.

Prokurorët janë duke kryer verifikimet dhe unë s’kam asnjë autoritet të pengoj hetimin”.

I pyetur nëse do bëjë kallëzim për Presidentin Meta, Dvorani u përgjigj: “Unë nuk jam në garë me askënd, nuk llogaris askënd, nëse ligji e Kushtetuta më imponon ta bëj një gjë të tillë, do ta bëj”.

Lidhur me videot që ka paralajmëruar Presidenti, një prej tyre publikuar një ditë më parë, Dvorani tha se askush nuk mund të flasë me vepra arti, duke i cilësuar ato seriale me metrazh të shkurtër.

“Nuk mund të flas me detaje, hetimi zhvillohet në këtë godinë, as në TV, as në gazeta.

Këtu kam bërë gjithë shpjegimet e hollësishme. Institucionet, funksionarët kushtetues e publik nuk është e mira t’i shtrojnë problematikat me serial të shkurtër a të gjatë, por t’i çojnë në organet kompetente”.

* Për më shume bashkohuni në grupin tonë: https://www.facebook.com/groups/tpz.al/
More in AKTUALITET, LAJME
‘Bomba jemi deri tani…Kalçetoja është e lirë, hajde të luajmë!’ Si u zbërthye grupi që do trafikonte drogë në Greqi (EMRAT)

Një operacion i kryer nga forcat operacionale të policisë Korçë dhe Pogradec, ka sjellë arrestimin e pesë personave, të cilët...

Close