X

Zëdhënësi i Policisë publikon videon e qenit ‘hero’, gazetari i bën komentin epik

E kapur e papërgatitur dhe pa asnjë qen kërkimi, edhe pse jepen një milion euro në vit për këtë gjë, Policia e Shtetit prej disa ditësh po reklamon në Facebook një qen të racës pastor, i cili sipas tyre, është heroi i kërkimeve nën rrënoja.

Por reklamën e zëdhënësit të Policisë së Shtetit, Genti Mullai, i cili e ka shpërndarë videon në profilin e tij, ia prish gazetari Elton Qyno.

Përmes një komenti, gazetari i vjetër i kronikës shprehet se disa ditë pas tërmetit dhe kur forcat e huaja kërkonin nën rrënoja, ky qen nuk është askund.

“Vonë e nxoret këtë qenin. Nuk e pamë në terren dhe në asnjë plan filmik tre dite pas tërmetit këtë pastorin. Duhet ta pranoni që ishin shumë poshtë me logjistikë, madje dhe me qen në krahasim me Kosovën. Shyqyr që atyre djemve në terren u ka krijuar Zoti duart e këmbët, me thonjë kanë punuar për të gjetur të gjallët”, shkruan Qyno në komentin e tij.

Ndërsa Mullai i përgjigjet: “Me vjen keq por ndiqe kroniken eshte ne tch. Ishte qeni jone i pari ne 6 te mengjezit . Ishte ky Brand qe percaktoi sakte vendodhjen dhe me pas qeni i Zvicres percaktoi ne te njejtin vend qe kishte percaktuar Brandi. Jane te dokumentuara e te faktuara. Smund te ishte Brandi ne te gjitha njekohesisht. Ndersa heronjete reneas e fnsh ishin kudo duke mos perfillur rrezikun per jeten e tyre por bene te pamunduren. Jo per replike miku im”.

* Për më shume bashkohuni në grupin tonë: https://www.facebook.com/groups/tpz.al/
More in AKTUALITET, LAJME
Kristiano Ronaldo kthehet te goli, por Mesi i rrëmben një tjetër rekord

Vazhdon momenti i pafat për Kristiano Ronaldon. Pas zëvendësimit kundër Milanit e mungesës kundër Atalantës, në "Olimpico" me Lacion, portugezi...

Close