X

Lulzim Basha në Shkozet: Nuk mundet që 150 mln dollarë të shkojnë për dhjetë oligarkë, ndërsa qytetarët të lihen në mëshirë të fatit

Kryetari i Partisë Demokratike, Lulzim Basha është takuar ditën e sotme me disa familje tek ish-magazinat në Shkozet, ku pa nga afër shqetësimet e tyre. Kryedemokrati tha se është e papranueshme që 150 milionë dollarë shkojnë për 10 oligarkë, ndërsa qytetarët në këto ditë të vëshira të lihen në mëshirë të fatit.

Postimi i Bashës:

Në Shkozet, familje që jetojnë me qera, të papunë dhe me fëmijë te sëmurë, vazhdojne të flenë jashte. Ata thonë se askush nuk është interesuar për ta, as për tu sjellë një batanije në këtë të ftohtë, aq më pak për të vlerësuar dëmet e shkaktuara nga tërmeti. Këto familje janë zhvendosur në banesa të improvizuara në objekte që më parë kanë qenë magazina të ndërtuara pa cilësi në vitet 70. Duhet një ndërhyrje e menjëherëshme për tu ardhur në ndihmë këtyre banorëve.

Nuk mundet që 150 milion dollarë të taksave të shqiptarëve të shkojnë për 10 oligarkë dhe qytetarët të lihen në mëshirë të fatit. Duhet të nisë sa më parë riparimi i banesave dhe prandaj duhet përfunduar vlerësimi i shpejtë, i drejtë dhe profesional i dëmeve të shkaktuara.

Vonesat dhe zvarritjet tani që po hyjmë në javën e tretë pas tragjedisë, nuk mund të tolerohen. Çdo inxhinier i gatshëm për të kontribuar në përshpejtimin e vlerësimit të banesave të dëmtuara nga tërmeti, duhet angazhuar. Sa më shumë zvarritet ky proces aq më shumë rëndohen vuajtjet e njerëzve dhe pasojat ekonomiko dhe sociale.

* Për më shume bashkohuni në grupin tonë: https://www.facebook.com/groups/tpz.al/
More in AKTUALITET, LAJME
Video që nxjerr bllof propagandën e Ramës me familjet e prekura nga tërmeti në Manzë

Kryeministri Rama hodhi sot në rrjetet sociale të tij ushqimin e përditshëm të propagandës duke publikuar disa pamje nga Manza ku...

Close