X

Me laborator droge në shtëpi, arrestohen bashkëshortët shqiptarë në Itali

Policia italiane në Macerata ka arrestuar një burrë shqiptar 34 vjeç dhe gruan e tij shtatzënë, një 28-vjeçare, pasi në shtëpinë e tyre u gjetën pajisje që shërbinin për tregtimin e drogës.

Burri përfundoi në burgun e qytetit, ndërsa gruaja e tij u la në arrest shtëpiak, për shkak se ajo ndodhej në muajt e fundit të shtatzënisë.

Karabinierët, me anë të një mobilizimi të shpejtë, pas informacioneve se në banesën e çiftit shqiptar kishte pajisje për tregtinë e lëndëve narkotike, kanë bërë një kontroll të shpejtë dhe gjetën aty laboratorë e para të gatshme, të dyshuara të ardhura nga aktiviteti kriminal, shkruajnë mediat italiane.

Çiftit shqiptar iu gjetën 4000 euro të gatshme në banesë, ndërsa burri ishte emër i njohur për policinë, pasi edhe më herët kishte pasur probleme të theksuara me drejtësinë.

Paratë u gjetën të fshehura në pjesë të ndryshme të shtëpisë, të sistemuara mirë, në atë mënyrë që të ishte vështirë t’i gjeje. Ndërsa gruaja u lejua të kthehej në shtëpi nën arrest shtëpiak, burri u la në burg, në pritje të gjykimit për tregti droge. Ndërkaq, droga e kapur dhe paratë e dyshuara kriminale janë sekuestruar.

* Për më shume bashkohuni në grupin tonë: https://www.facebook.com/groups/tpz.al/
More in AKTUALITET, LAJME
Emri/ ​Gjendet i vdekur në banesë ish-prokurori shqiptar, pista ku po hetohet

Ish-prokurori i Prokurorisë Themelore të Prizrenit, Agron Matjani, është gjetur i vdekur në banesën e tij në Prizren mëngjesin e...

Close