X

Një gol i bukur i Mbape dhe pastaj Nejmar, PSG vazhdon dominimin

PSG-ja vazhdon dominimin në kampionatin francez, ku sot ka mundur me shifrat 2-0 Nantën, për të mbetur i shkëputur nga çdo ekip ndjekës. Skuadra e Tomas Tuhel ka vendosur një distancë sigurie në këtë pikë të sezonit dhe tashmë duket se thjesht po administron forcat për ndeshjet në arenën ndërkombëtare.

Parisienët dominuan plotësisht duelin e sotëm, por për të gjetur golin e parë u desh minuta e 52-të e sfidës. Një pasim i Di Marias nga e djathta gjeti në zonë Mbape dhe ky i fundit shëno në mënyrë spektakolare me finte, duke mos i lënë kohë portierit kundërshtar të reagonte.

Më pas, në vend të sulmuesit hyri në lojë Ikardi dhe këtij të fundit iu deshën 7 minuta në fushë që të fitonte penallti, të cilën e transformoi saktësisht Nejmar, duke vulosur suksesin 2-0 që e çon PSG-në në +5 pikë diferencë nga Olimpik Marseja i vendit të dytë që ka luajtur një ndeshje me shumë.

* Për më shume bashkohuni në grupin tonë: https://www.facebook.com/groups/tpz.al/
More in SPORT
Rashford prish planin për hakmarrje të Zhoze Murinjos

Markus Rashford ka prishur planin për hakmarrje të Zhoze Murinjos, i cili shpresonte që sot me Totenhemin t’i jepte leksion...

Close