

Sot pritet që të nënshkruhet marrëveshja për koalicion mes Lëvizjes Vetëvendosje dhe Lidhjes Demokratike të Kosovës, ndërkohë, ende zyrtarisht nuk dihen detaje për ndarjen e ministrive, postin e presidentit dhe kryetarit të parlamentit të Kosovës.
Në takimin që u mbajt të shtunën në mes të Isa Mustafës dhe Albin Kurtit, u tha se është përmbyllur 100 përqind harmonizimi i programit qeverisës, duke u pajtuar për të gjitha çështjet e hapura, e po ashtu edhe sa i përket kabinetit qeverisës, sipas të cilëve do të ketë 12 ministri.
Krahas kësaj, është raportuar se pesë ministri do ti takojnë Lëvizjes Vetëvendosje, pesë Lidhjes Demokratike të Kosovës, një minoritetit serb dhe një për minoritet tjera.
KosovaPress ka kontaktuar me Lutfi Hazirin nga Lidhja Demokratike e Kosovës, i cili nuk ka dashur të jap detaje, duke thënë se “këto detaje do të bëhen publike kur të vije koha”.
Detaje nga kjo marrëveshje e cila pritet të nënshkruhet sot, nuk kanë shpalosur as përfaqësues të Lëvizjes Vetëvendosje.
Zyrtari për media nga kjo parti, Arlind Manxhuka tha se të gjitha do të kuptohen të hënën.
Lëvizja Vetëvendosje dhe Lidhja Demokratike e Kosovës, pas gati dy muaj bisedime që nga përfundimi i zgjedhjeve, më në fund janë harmonizuar 100 përqind për programin qeverisës.
Kujtojmë se subjekti i Albin Kurtit në zgjedhjet e 6 tetorit ka arritur t’i marrë 29 deputetë, LDK një më pak 28. Ndërsa, iu duhen edhe disa vota të pakicave për të ndërtuar qeverinë e re.
Sipas të gjitha gjasave, dita e sotme pritet të jetë vendimtare për marrëveshjen rreth themelimit të udhëheqësisë së re. /KosovaPress/
* Për më shume bashkohuni në grupin tonë: https://www.facebook.com/groups/tpz.al/Të ngjashme
Artan Hoxha: Humbja e 50 kg kokainë solli vrasjet mafioze në Elbasan, brenda vitit u eleminuan gjashtë persona
Rindërimet pas tërmetit/ Eksperti Selami Xhepa: Dëmi sa 10% e PBB-së, ja si mund të financohet
Artan Hoxha: Tre “killera” të mirëpaguar po vrasin pa lënë asnjë gjurmë në Elbasan, skuadrat s’kanë lidhje me njëra-tjetrën
I bënë thirrje për ta kontrolluar, shqiptari bën për spital karabinierët
Liverpuli nuk di të ndalet në kampionat, shkëlqen Salah
EMRI/ Shqiptari kapet me drogë në Caserta të Italisë, dërgohet në paraburgim
“Diskriminim, papërgjegjshmëri dhe dështim total”, Basha me qytetarët në Laç. Ja çfarë i tha banori i komunitetit rom që u takua me Ramën
‘Ligji anti-shpifje’/ Hitaj: Sulmi ndaj medias përkthehet në sulm ndaj demokracisë
Lini nje Koment