X

Aktori i madh Edi Rama dhe amatori Lul Basha



Nga Nikoll Lesi

Tragjedia e tërmetit nxori në skenë, përveç shumë problemëve të mëdha me keqadministrimin e territorit prej ndërtimëve pa standarte, me inekzistencën e Emergjencave për tërmetet dhe me maninë e ndërtimëve pa studime gjeologjike, por tregoi sa djallëzisht u përdor dhe po përdoret tragjedia për kredo politike.

Kjo është, më e pakta, hipokrizi prej palëve politike.

Nëse shikojmë këto ditë kryeministrin Rama dhe liderin e opozitës Basha vërehet se janë aktorë, bile i pari “aktor Hollivudi”, ndërsa Luli mundohet të imitojë kryeministrin, por mbetet larg në stil e mjeshtri.

Sido që të jenë rolet e tyre prapë një gjë mund të thuhet pa u menduar shumë: Hipokritë!

Kryeministri vrapon sa nga Durrësi në Thumanë, e prapë Durrës. Nxiton në ish-kombinat në Tiranë dhe ikën prapë drejt qendrës së tërmetit sikur është Zeusi që do na shpëtojë nga djalli-tërmet. Ka lenë dhe mjekrrën e thinjur si Ismail Qemali, themeluesi i shtetit shqiptar, përqafon një burrë nga Struga që ka humbur shtëpinë dhe portretizon te varrimi në Thumanë, me një finesë që edhe aktori i njohur irlandez Colin Farrell  në filmin “The Killing of a Sacred Deer’ e ku luan edhe e madhja Nicole Kidman, nuk mund ta luajnë kaq bukur.

E gjitha një hipokrizi!

Dhe si për ta ndjekur në këtë hipokrizi turret edhe Lulzim Basha. Lëshoi urdhër partie që të gjithë drejt tërmetit, atje ku “Zeusi-Rama” ka ecur 100 hapa para në imazh dhe aktorllëk. Pasi braktisi misionin e madh të qënurit opozitë në parlament, pasi ia la të gjitha pushtetet kryeministrit, pasi i dhuroi krejt pushtetin vendor “Zeusit”, tani Lul Basha po mundohet të rikuperojë me tërmetin.

Por “Ismail Qemali” i dytë ka krijuar shtetin e “oligarkëve” dhe ndjehet i qetë nga ndjekja e Lul Bashës në lojën e tij.

Pasi goditi dhe nxori me gaz lotësjellës qindra e qindra familje te Unaza e Re, pasi rrahu mirë e mirë popullin të parlamenti kur protestonte, tashmë kryeministri loton para kamerave, mjekrren e bardhë e bën po të dojë edhe të zezë para popullit që të duket i zi sterrë nga dhimbja për popullin e dëmtuar nga tërmeti.

Është aktor! I paparë! Por kjo ka edhe një emër tjetër: Hipokrizi!

Ajo që e bën sterrë të ardhmen mbetet se nuk kemi opozitë serioze që të jetë gati për pushtet, sepse lideri opozitar, ndonëse nuk ka krime mbi supe, por prapë se prapë është amator. Dhe për dreq sikur i pëlqen ky rol, edhe mundet se ndjehet më rehat në pushtetin e opozitës.

Lideri opozitar ka mision të madh mbi supe, ai është një kandidat për kryeministër kurdo, por ai duhet ta fitojë atë e jo të presë se “po i vjen radha”. Të jesh lider opozite edhe mund të futesh në burg përballë një regjimi, edhe mund të vritesh për lirinë e popullit i cili të beson.

Natyrisht nuk duam të vrarë, pasi kemi boll këtë tragjedi nga tërmeti!

Por që të luajnë me popullin sikur po qajnë apo janë dobësuar nga meraku për hallet e popullit, kjo quhet HIPOKRIZI.

/kohajone.com/

* Për më shume bashkohuni në grupin tonë: https://www.facebook.com/groups/tpz.al/
More in BLOG, LAJME
Dhimbje, lot e vaj që të këput shpirtin, ceremonia e lamtumirës për familjen Lala në Durrës. Meta e Rama në homazhe

Dhimbja nuk ka kufi në Pallatin e Kulturës në Durrës, që sot është i veshur i tëri në zi. Britma,...

Close