X

Video erotike e një ambasadori me zyrtaren e Rilindjes, spekulimet arrijnë kulmin

Një  skandal erotik po mban të  ngërthyer mbarë  vendin, që  prej momentit kur gazeta “Koha Jonë “, e njohur për afërsinë dhe pozicionimin editorial në favor të LSI-së dhe Presidentit Ilir Meta, publikoi lajmin se një ambasador ka patur një lidhje intime me një zyrtare të Rilindjes dhe se për të vërtetuar këtë aferë, ekziston një video.

Kaq u desh, që të nisnin spekulimet.

Ditën e sotme, gazetari Elton Qyno, me anë të një statusi në rrjetet sociale, shprehet se video me përmbajtje erotike fillimisht ka qarkullaur mes miqsh në tavolinat e hoteleve Rogner dhe Sheraton. Më pas ajo ka rënë në dorë të Presidentit të Republikës dhe Shërbimit Informativ. Sipas Qynos, kjo video nëse do të shfaqet mund të shkatërrojë  familjet e personave të përfshirë.

Por, mënyra se si ky informacion po qarkullon dhe spekulimt që po përhapen, vetëm sa e banalizojnë edhe më tej këtë çështje. Ajo që publiku shqiptar kërkon të dijë, nëse kjo ngjarje është e vërtetë, nuk është përmbajtja e videos dhe as dëshirat seksuale të ambasadorit në fjalë. Por në një situatë të tillë, natyrshëm lind pyetja; Nëse kjo ngjarje është e vërtetë, a është ambasadori në konflikt interesi në raport me mardhënien që ka me këtë zyrtare dhe qëndrimet e tij publike, në favor të njërës apo tjetrës palë?

Sigurisht, kjo mund të përbëjë një shqetësim publik, por mënyra si është servirur dhe po përdoret e gjithë kjo ngjarje, duket se lidhet më shumë me nevojën për të shantazhuar ndonjërin prej personave të filmuar në këtë video , se sa ka për qëllim të informojë shqiptarët për një “mëkat”, që mund të ketë implikime më të rënda dhe shkon përtej qejfit të dy individëve.

Ndoshta është koha që Gazeta Koha Jonë të autorizohet nga lart, për ta publikuar skandalin të plotë, ose të mos vijojë spekulimet me lajme bombastike dhe fotografi të pakuptimta.

/TPZ.al/

* Për më shume bashkohuni në grupin tonë: https://www.facebook.com/groups/tpz.al/