X

Suel Çela fitoi lirinë, PD akuzon kryeministrin: Me Ramën drejtësia është e pafuqishme të ndëshkojë krimin

Pasi Gjykata e Krimeve të Rënda vendosi të shpallte si të pafajshëm Suel Çelën, ka reaguar menjëherë Partia Demokratike. Me një deklaratë të shpërndarë për mediat, PD-ja thekson se ky vendim tregon se me Edi Ramën në krye të qeverisë, drejtësia nuk është e lirë të ndëshkojë krimin dhe personat që shkelin ligjin.

“Duke shpallur të pafajshëm kriminelët e pushtetit, rrëzohet çdo iluzion për drejtësinë e pavarur. Të gjithë e kanë mësuar se drejtësia është plotësisht në dorën e Edi Ramës dhe të krimit”-thuhet ndër të tjera në reagimin e selisë blu.

Suel Çela u akuzua si personi, i cili me makinën e tij tip “Audi” goditi në 18 shtator të 2017 në hyrje të Tregut Agroushqimor, makinën e policisë, duke vënë në rrezik jetën e zëvendësdrejtorit të qarkut Gjergj Oshafi dhe disa oficerëve të tjerë.

Deklarata e PD-së:

Shpallja i pafajshëm i banditit të rrezikshëm të Elbasanit Suel Çela, shërbëtor i pushtetit të Edi Ramës, provoi në mënyrë të përsëritur se me Edi Ramën në qeveri drejtësia nuk është e lirë të ndëshkojë krimin. Mesazhi që iu dha sot shqiptarëve është se kriminelët e pushtetit, ata që blejnë vota për karrigen e Edi Ramës janë të paprekshëm! Kur kriminelët vjedhin zgjedhjet për Edi Ramën, kur bëjnë drogë me lejen e pushtetit të Edi Ramës, kur godasin policinë dhe e çnderojnë atë me mbrojtjen e Edi Ramës, drejtësia është e pafuqishme të bëjë drejtësi.

Duke shpallur të pafajshëm kriminelët e pushtetit, rrëzohet çdo iluzion për drejtësinë e pavarur. Të gjithë e kanë mësuar se drejtësia është plotësisht në dorën e Edi Ramës dhe të krimit. Vendi ka nevojë jetike për ndarjen e politikës nga krimi, ka nevojë për zgjedhje të lira, të pandikuara nga kriminelët, si dhe për një qeveri të re, që e ka fatin të lidhur me qytetarët dhe jo me kriminelët.

* Për më shume bashkohuni në grupin tonë: https://www.facebook.com/groups/tpz.al/
More in AKTUALITET, LAJME
“Paska tre provime, q*** nonën. Më jep një puthje se ma nxive jetën”, pedagogu i video skandalit lirohet nga arresti, do të gjykohet si…

Do të hetohet në gjendje të lirë pedagogu i Universitetit të Elbasanit, Denis Himçi, i cili u vu në pranga...

Close