X

Rusia i kthen Ukrainës anijet e konfiskuara një vit më parë pranë Krimesë

Rusia i riktheu Ukrainës tri anije të marinës, pothuajse një vit pasi i konfiskoi ato pranë gadishullit ukrainas të Krimesë që Moska e aneksoi në mënyrë të paligjshme në vitin 2014.

Ministria e Jashtme ruse tha të hënën në një deklaratë se anijet u rikthyen pasi “hetuesit i studiuan ato plotësisht” për “kalim të paligjshëm të kufirit” dhe “prania e tyre e mëtejshme në Rusi është e panevojshme.”

Ministria e Mbrojtjes e Ukrainës konfirmoi kthimin e dy anijeve të vogla të blinduara dhe një rimorkio në një deklaratë në faqen e saj të internetit.

Më 25 nëntor 2018, anijet e Rojes Bregdetare Ruse hapën zjarr dhe kapën anijet dhe ekuipazhet e tyre, të përbërë nga 24 marinarë, në ngushticën Kerch, ndërsa ato po lundronin nga Deti i Zi për në portin ukrainas Mariupol, në detin Azov.

* Për më shume bashkohuni në grupin tonë: https://www.facebook.com/groups/tpz.al/
More in BOTA
Tensione të larta në Iran, së paku gjashtë njerëz të vrarë në protesta

Tensionet në Iran mbeten të larta edhe tri ditë pasi rritja e çmimeve të naftës nxiti protesta në disa qytete....

Close