X

Dyshohet se do kryenin akte terroriste në Gjermani, tre në pranga

Autoritetet gjermane kanë arrestuar tre persona të dyshuar si mbështetës të grupit ekstremist Shteti Islamik (IS). Ata, dyshohet se kanë përgatitur sulme me bomba kundër jo-myslimanëve. Prokurorët në Frankfurt thanë se policia ka bastisur tri apartamente në qytetin Ofenbah, dhe ka arrestuar tre të dyshuarit.

I dyshuari kryesor, një 24 vjeçar, shtetas gjerman me origjinë maqedonase, ka siguruar materiale që nevojiten për të përgatitur eksploziv, dhe ka bërë kërkime në internet për armë të zjarrit. Dy të dyshuarit tjerë, 22 dhe 21 vjeç, janë shtetas turq, shkruan Rel.

“Operacioni është kryer në kohën e duhur për të parandaluar rrezikun”, tha prokurorja e Frankfurtit, Nadja Niesen. Ajo tha se të dyshuarit dukej se planifikonin sulme në rajonin Rhine-Main me qëllim të vrasjes “të sa më shumë, të ashtuquajturve jobesimtarë”.

Gjykata duhet të vendosë lidhur me masën e paraburgimit për të dyshuarit.

* Për më shume bashkohuni në grupin tonë: https://www.facebook.com/groups/tpz.al/
More in BOTA, LAJME
Vetëvendosje Tiranë tjetër deklaratë kundër Ramës e Veliajt: Katastrofale, edhe tani që qeverisni pa opozitë tentoni t’i mbyllni gojën një OJQ-je

Pas deklaratës skandaloze të Bashkisë Tiranë lidhur me qëndrimin e Vetëvendosjes për prishjen e ndërtimeve në zonën e “Astirit”, ka reguar...

Close