X

Alvini kalon ditën e parë në shtëpi, i ati: Është si ushtar i vogël, tani do të kujdesemi për këmbën


Në një intervistë për Ora News, Afrim Berisha tregon si e kaloi ditën e parë në shtëpi pranë familjes së tij, Alvini.

11 vjeçari arriti të shpëtojë nga kampi Al Hole në Siri dhe ti bashkohet familjes falë një operacioni ndërkombëtar ku u angazhuan autoritetet italiane, shqiptare, Kryqi i Kuq dhe Gjysmë Hëna e Kuqe.

“Di pak shqip por mirë. Mua më njohu. Më thërret baba… Bën çdo gjë që i themi pa kundërshtuar.. si një ushtar i vogël.

I themi hajde të hamë bukë ngrihet menjëherë.”

Si çdo fëmijë tjetër do të luajë me kompjuter, madje ka kërkuar edhe biçikletën.

“Më kërkoi biçikletën dhe i tregova që e kishte në garazh. Që ditën kur iku unë të gjithë lodrat e tij i kam ruajtur atje. Doktoresha na ka sugjeruar që të mos e ngacmojmë për të treguar për jetën atje,” –tregoi Afrimi.

Ai shpjegoi se nuk ka reshtur së kërkuari që ditën kur Alvini është larguar nga Italia me të ëmën më 17 nëntor 2014.

“Më 1 janar kam hyrë në Siri dhe nuk jam ndalur asnjë moment dhe nuk më humbi Zoti shpresën. Falënderoj policinë italiane e cila prej 5 vitesh heton rastin tim. Falënderoj dhe shtetin italian dhe shqiptar dhe ambasadoren në Romë që më është gjendur.”

Mjekimi i këmbës që Alvin e ka dëmtuar nga shpërthimi në Siri është prioritet
“Të hënën do të shkojmë për të bërë analizat mjekësore dhe do të kujdesemi për këmbën” thotë Afrimi.

Tani që Alvin e ka në shtëpi Afrimi ka një sfidë tjetër: “Do të ndihmoj që të gjithë fëmijët jetimë që ndodhen në kampin Al Hole të kthehen në shtëpitë e tyre” thotë ai për Ora News.

* Për më shume bashkohuni në grupin tonë: https://www.facebook.com/groups/tpz.al/
More in AKTUALITET, LAJME
Kishin pirë alkool, tetë persona dhunojnë pronarin e lokalit në Pogradec, 40-vjeçari: Nuk i njihja fare, s’kam konflikte

Tetë persona kanë dhunuar një 40-vjeçar në lokalin e tij mbrëmjen e djeshme. Ngjarja mbrëmjen e djeshme në fshatin Dunicë...

Close