X

Naomi Campbell: Pse më kërkuan të rrëzohesha në pasarelë

Naomi Campbell, një ndër emrat më të përfolur të viteve ’90, përjetoi frikën më të madhe të një modeleje kur bëhet fjalë për sfilatat. Ajo humbi ekuilibrin gjatë sfilatës Vjeshtë 1993 të Vivienne Westwood.

“Isha në siklet,” tha Campbell gati 26 vite pas incidentit, gjatë një interviste për British Vogue. “U turpërova, mendoja se duhet të isha praktikuar më shumë.”

Sidoqoftë, Naomi u ul, qeshi dhe i tha vetes: “Ngrihu dhe vazhdo, këtë duhet të bësh.”

Pavarësisht se nuk u ndje mirë për gjithë ç’ndodhi, Campbell u shpreh se qeshi me mbulimin që i bëri shtypi gjithë situatës – dhe madje disa dizajnerë i kërkuan që të rrëzohej sërish.

“Disa dizajnerë më pyetën nëse mund të rrëzohesha sërish. Dhe unë i pyeta se përse dëshironin që të shtiresha sikur rrëzohesha,” tha Naomi duke shtuar më pas që e gjitha lidhej audiencën. Një rrëzim i saj do të përflitej kudo.
Megjithatë modelja rrëfeu se nuk pranoi pasi një gjë e tillë ishte kundër etikës së saj profesionale. “Nuk do të rrëzohem kurrë qëllimisht.”

Nga ana tjetër, dizajnerja Westwood, e pranishme në intervistë, tregoi se rënia e Naomi-t ishte “fantastike”. “Ishte me të vërtetë bukur kur ra, ishte si një gazelë,” kujtoi ajo duke bërë shaka.

Meqë ra fjala, këto janë këpucët e famshme. Plot 25.4 cm të larta.

* Për më shume bashkohuni në grupin tonë: https://www.facebook.com/groups/tpz.al/
More in LAJME, Magazine
Ja sa fitojnë vetëm më një postim blogeret e njohura në Instagram

Instagrami është kthyer në një rrjet mjat të rëndësishëm për blogerët dhe kështu një trampolinë shumë e mirë për fitimin...

Close