X

EURO 2020 / Njihet ekipi i parë i kualifikuar falë goleadës, Holanda eviton turpin me përmbysje

Belgjika është skuadra e parë që kualifikohet në Euro 2020. Skuadra e cila mbylli në vend të tretë Botërorin 2018, ka mundur sot me një goleadë San Marinon duke siguruar suksesin e shtatë në po aq ndeshje të luajtura në grupin e saj. Vetëm Rusia po mundohet të mbajë ritmin, duke e ndjekur me tri pikë më pak pas fitores së thellë 4-0 ndaj Skocisë dhe është një fitore larg kualifikimit në Europian.

Holanda thuajse shkatërroi shanset e saj për Europianin, pasi pak minuta para fundit të ndeshjes e pa veten në disavantazh para Irlandës së Veriut dhe jashtë zonës së kualifikimit, pasi Magenis gjeti rrjetën për miqtë. Por Depaj barazoi shifrat e më pas De Jong e në fund përsëri Depaj vulosën suksesin 3-1 me përmbysje që barazoi 3 skuadra në kuotën e 12 pikëve.

Kroacia hodhi një hap të rëndësishëm drejt kualifikimit me suksesin 3-0 ndaj Hungarisë, ndërsa Sllovakia u ndal nga Uellsi që mbetet në garë për kualifikimin në ndeshjet e mbetura.

Polonia e udhëhequr nga i zakonshmi Levandovski mori fitoren e pritshme ndaj Letonisë. Por në Grupin G, ajo që tërheq më shumë është kthimi në garë i Maqedonisë së Veriut, që është tashmë vetëm dy pikë larg vendit të dytë në grup.

REZULTATET

GRUPI C
Kazakistan-Qipro 1-2
34′ Jerlanov / 73′ Sotiru, 84′ Ianou
Holandë-Irlandë e Veriut 3-1
80′, 90’+4′ Depaj, 90’+2′ De Jong / 76′ Magenis

GRUPI E
Kroaci-Hungari 3-0
5′ Modric, 24′, 42′ Petkovic
Sllovaki-Uells 1-1
53′ Kucka / 25′ Mur


GRUPI G

Letoni-Poloni 0-3
9′, 13′, 76′ Levandovski
Austri-Izrael 3-1
41′ Lazaro, 56′ Hintereger, 88′ Sabitzer / 34′ Zahavi
Maqedoni e Veriut-Slloveni 2-1
50′, 68′ Elmas / 90’+5′ (p) Ilicic

GRUPI I
Bjellorusi-Estoni 0-0
Belgjikë-San Marino 9-0
28′, 41′ Lukaku, 31′ Çadli, 35′ (ag) Brolli, 43′ Alderueireld, 45’+2′ Tielemans, 79′ Benteke, 84′ (p) Versheren, 90′ Kastanj
Rusi-Skoci 4-0
57′, 70′ Dzhyba, 60′ Ozdoev, 84′ Golovin

* Për më shume bashkohuni në grupin tonë: https://www.facebook.com/groups/tpz.al/
More in LAJME, SPORT
Përzgjidhet ndeshja testuese, femrat do të shkelin të parat barin e “Arenës Kombëtare”

Punimet në “Arenën Kombëtare” janë drejt fundit dhe impianti më i ri i futbollit në vend pritet të inaugurohet mbrëmjen...

Close