X

Banorët e Unazës së Re protestë para Drejtorisë së Policisë kërkojnë lirimin e të shoqëruarve: Duam djemtë tanë!


Banorë të Unazës së Re janë mbledhur para drejtorisë së Policisë në Tiranë.

Ata kërkojnë lirimin e personave të arrestuar mëngjesin e sotëm. Në mbështetje të banorëve, ndodhen ish deputetët e opozitës, Klevis Balliu e Endrit Braimllari. Nën thirrjet “Lironi djemtë” “ Të gjithë për një qëllim”, ata i kanë depërtuar brenda oborrit të godinës.

PD publikoi sot video të shoqërimit të banorëve të Unazës. Ndërhyrja e policisë vjen pas hyrjes ne fuqi të Kodit të ri penal që ka ashpërsuar nenin për bllokimin e rrugës, i cili parashikon deri në tre vitesh burg për çdo person që bllokon rrugën fizikisht.

Sipas ndryshimeve, vënia e pengesave ose ndalimi i qarkullimit të mjeteve të transportit automobilistik, hekurudhor, dënohet me gjobë ose me burgim deri në tre vjet.

Ashpërsimi i këtij neni mendohet t’i japë zgjidhje edhe situatës në unazën e re ku prej muajsh banorët bllokojnë çdo pasdite rrugën në shenjë proteste kundër projektit të atij aksi.

* Për më shume bashkohuni në grupin tonë: https://www.facebook.com/groups/tpz.al/
More in AKTUALITET, LAJME
DETAJE/ Kush është Marsida Qatja ‘mollë’ e sherrit për vrasjen në Kavajë, e martuar me tre fëmijë

Personi që shihni në foto është gruaja që u bë ‘mollë’ e sherrit që pasoi me një të vdekur dhe...

Close