X

“E ëma nuk fle…”: drama Reyes, i ati rrëfen se “telefonoi 10 minuta para aksidentit…”



Një dhimbje e madhe e vështirë për tu përshkruar. Pas muajsh nga vdekja e të birit, Francisco Reyes, babai i José Antonio, ka folur për herë të parë që nga aksidenti tragjik që i ka dhënë fund jetës së futbollistit të njohur. Një vdekje që erdhi pas një aksidenti rrugor në qershor e që ende nuk është kapërcyer nga familja. I intervistuar nga Telecinco, gjatë Viva la Vida, i ati i Reyes ka rrëfyer dhimbjen e tij e të bashkëshortes.

“Kur jemi vetëm, e gjithë ajo që bëjmë është të qajmë. As nuk flasim, sepse nëse themi dicka shpërthejmë në lot”, ka pranuar Francisco Reyes. “Nuk ka mënyrë për të përballuar dicka të tillë. E ëma bën vetëm ecje para mbrapa nëpër shtëpi. Natën nuk vë gjumë në sy. Gjithcka na kujton Antonion”.

“Antonio ishte më i miri në botë, jo si sportist, por si njeri. Kishte një buzëqeshje speciale. Ishte i dashur, një djalë i mirë”. E pastaj tregon detajet nga ato që trishtojnë gjithnjë edhe më shumë historinë: “Folëm 10 minuta para aksidentit …”. Si bën të ditur Marca, familja Reyes ka ndërmend të nisë veprimet ligjore kundër atyre që kanë deklaruar se Antonio Reyes bëri aksident për shkak të shpejtësisë së madhe, sepse mendojnë që tragjedia ndodhi për shkak të një problemi me gomat.

* Për më shume bashkohuni në grupin tonë: https://www.facebook.com/groups/tpz.al/
More in SPORT
Atalanta e Gjimshitit kërcënon kreun, ndalen Roma dhe Lacio

Atalanta e Serisë A është krejtësisht ndryshe nga ajo që shfaqet në Ligën e Kampioneve, pasi skuadra e Gasperinit duket...

Close